Pata wongeleka yaKatoolika kaRoma weedula 31 ota ka tumwa koshipangelo koWindhoek opo a ka ningilwe omakonakono ku talike ngeenge oku na oudu wopamadilaadilo nota dulu tuu okupangulwa.

Edi oda kolekwa komukulunhu koshikondo shokukonakona oimbuluma moshitukulwa shaHangwena omupedu Commissioner Zachariah Amakali.

Omutamanekwa Max Hambabi Haudapiti okwa anyenwa omhito yokulifutila mo modolongo onghela pefimbo a holoka momhangu yaShakati.

Oshibofa shaye osha undulilwa komafiku 3 Sepetemba 2024 ku yandjwe omhito yomakonaakono.

 Opolifi oya hokolola tai ti Haudapiti okwa dipaa okatekulu kokakadona keedula nhatu, ka dalwa kumumwaina. 

Okamati keedula hamano oke li monghalo ii koshipangelo shaShakati.

Oshiningwanima eshi osha ningwa Etitano efimbo longula komukunda Onakaholo moshikandjohoololo shaNgenga, moshitukulwa shaHangwena.

Otaku hokololwa kutya Haudapiti ou okwa denga mosamende omitwe doutekulu vaye.

Omutamanekwa oha longele koRundu kongeleka yaKatoolika kaRoma.

fhamalwa@nepc.com.na