OTJOMUISE
Penohepero yokutoora orukosi rondjivisiro ndjina ondando yo kuhonga otjiwana tja Namibia ohepero yokutara kutja ombindu morutu iri po ndondo inge.
Inga iyemwe yomambo wo tjikoro nga yandjerwe pomatjiukisiro womazemburukiro wotjiveke tjOzonganda Zomiti Oritjavari muno kehi yomambo omahongenekwa ngumayetja: “Ombindu Ndjironda/Nokuheruka- Ondembe Ongozu.” Tjahungirire po tjitjitua ihi Omutjangerepo Omukarerere mo Ministeri yOuveruke Nondumbiro yOtjiwana, Kahijoro Kahuure, watjere ovakwatera va Namibia vasere okuhongwa omitjise vyo mutima mbimunika oukozu nungwari omizepe tjimuna ombindu ndjironda noku heruka, omutima, omawiro worumbembera, omaze mombindu na vyarwe omingi.
Kahuure watjere ovandu ovengi vekambura kutja omitjise imbi vivera movandu vomahi nga kayenda uriri posyo nugwari ongondononeno yaraisa kutja ombindu yiumwe womutjise omukendeke mo Namibia. Mo 2006 aiyerike ovavere mberi kombanda yo 5000 vayakurwa mozonamiti mena rouzeu mbwatjama nombindu nu oyo yari ondui yondiro oitja murongo mozondui zarwe zondiro naizepa ovandu mberi kombanda yo 350. Munao Kahuure otja yandjere ondangu kEhika rOzonganda Zomiti mo Namibia kokusekamena otjiveke ihi ombura aihe okuhonga otjiwana ovinenge ohunga nouveruke watjo.
Kombanda ya nao otjitjitua tjo tjiwana ihi tjina ondando yoku tjihonga ousemba watjo tjikweya kozonganda zomiti. Ovavere vombindu ndjihina omapangero veri moumba wo ku kurama omutima, okuvera ozosyoti, oku ngundipara omutima nomitjise vyarwe mbiheri omiwa kouveruke. (Nampa)