ǁKhâbǀaeb !aroma ǁgui!nâs !gao a ǂhâbasa xūna ūhâ tama isa Namibiab !garo!ā ǀhûhâsigu !nâ oe-ams ases ge mari-e hōǂgās ai !gao!gaosa tama ǂnûiǂgās hîa Pewa Care Humanitarian (PCH) ti ǀgui a ǂansasa, hirihiri!nâs ǀkha ge tsoatsoa, ǁaupexa 5 000 skolǀgôadi ǂhâsiba ūhâde nē !goaxa Pasxab sâǁaeb !nâ ǂhâbasa huib ǀkha !khoe-amsa. Nē hirihiri!nâs ge PCHs di ǀhonkhoes, Ndapewa Ndongos xa ge ǂâiǂuihe hîa nē ǂnûiǂgāsas ge 2019ǁî kurib ai ǂnuwisa xu ǂkhawu ǁgâukhaoga xu ra ǂoaxa skolǀgôade huikhâis ǀkha a ǁaxasa. ǁÎs di ǁkhoreb ǀkharaǀkharasiba ǀhûhâsib !nâ hā-ūs dib ge kurin !kharu hâse ǀnai Xrat 7 !nâs hâ hîa ge tsoatsoa. “Tita ge kaikhâi ta ge ǁaeb ai gere mû mâti di ǀnî !garo!ā ǀgôade ǂhôaǂkhanigu tsî ǀoro lani !âna gere ssenūsa, ǁîdi ǁkhâbǀaeba ǁkhaes !aroma, nē mâsiba mûs ge kaise ti ǂgaoba gere tsû kai. 

Nētsē, di ge kaise ǂgui !gôab !nâ hâ !garo!ā ǀgôade noxopa ai!gûgaru, !nōsasib !nâ !gomma ǁîdi ǁkhâbǀaegu !nâ tsâsa,” tis ge ge mî. ǁNāpas, Ndongo ǂkhawusa khoena kō!gâs ǀkha gaxuse ǀAeǁgams !nâ a ǁaxa, hîas ge ge mûǂan, Namibiab ǀawas !nâ di skolǀgôade noxopa kaise ǂkhawusa mâsib !nâ ûihâ !khaisa. Nē ǁkhauǂuis di huib nē !gôaxa sâǁaeb !aromas Pewasa dīhâb, !aroma gu ge ǀnai ǀnîkhamikōskolga ǀawasa xu !hae huiba hōs !aroma ge ǂanǂansen. Nē soab ais ge PCH !nâ ǁîs tsîna a !âhuru-ao ǀae!khō-aos, sister Josefina Amutenyas, ǂanǂansa ǀae!khō-ao tsî ǂurusiba ra aimâbasa tsîna ge ǂgan, nē skolǀgôade hui!khoe-ams !aromab huiba ǂhabase ǀnai ra !gôa!gâhe !khaisa. 

“Nē projeks ge ǁnā ǁaeb di ǂhâsib ǀguiba huiǂuis ai ǀgui hâ tama hâ, xawe tareǀgôas di khoesiba ǁkhawa oahā-ūs tsî ǁîdi skola ǁkhāti ǂgâtoa !aob tsî taob oses tsîna mâba. ǀHûhâsigu khoen hîa nē projeksa ra ǂkhâ1nâ ǂgaon ge Pewa Care Humanitariansa a sao ǁkhā Instagram ǂhaweb ai @PewaCareHumanitarian, Email pch, nonprofit@gmail. com, tamas ka i o ǁkhami re +264814965590 tawa.