KATIMA MULILO – Mueteleli wa Naha Hifikepunye Pohamba u fitisize pilaelo kuamana ni mayemo maswe fa misebezi ao atalimani ni babeleki mwa misebezi mwa naha. Mwa lińusa la hae leo neli balwa ki Ngambela Hage Geingob nako ya kupuzo ya lizazi la babeleki mwa Katima Mulilo mwa sikiliti sa Zambezi, Pohamba u file mamela kwa babelekisi bao ba belekisa babeleki babona mwa mayemo a situhu kulubaluba milao ya naha kuli ba tokomele. Muetelei wa naha Namibia u talusize kuli, kuba ni kutulo hande kaseo mutu a sisebeza, babeleki baswanela kufiwa mayemo sakata fa misebezi. U ize, ki kwa butokwa kuba ni swalisano, ikaba muuso, ba tutengo twa babeleki ni babelekisi ka sibili, kuswalisana hamoho ku talima maswenyeho ao babeleki batalimani ni wona. “Akuna mwanaa-mola, babeleki ba Namibia ba maneku kaufela amisebezi ba swanela kutalimwa ka kulikanelela ni kukutekwa ka buntu bwa bona kuama ni misebezi ya bona,” kwa bulela Mueteleli. Mueteleli wa Naha u ize, kukona kueza hande seo mutu asisebeza, pili babeleki ba swanela kutompiwa, seo a susuwelize ba bebelekisi, ni babeleki kusebelisana hamoho kukona ku ekeza ni kuzuseza pili sifumu sa naha, nto yeo ituswa ki kuambolisana.
Pohamba u tiiselize kuli lizazi la babeleki (Workers’ Day) lina ni kalululo ya butokwa mwa tukuluho ya Namibia, mi u ize akukonahali ku bulela za tukuluho kusina ku lemuha kalulo yeo babaleki ba bapalile teni. Mueteleli u talusize kuli, kuzwa lilimo ze mashumi a mabeli ka lilimo ze ne kuzwa Namibia ifumana tukuluho, wa ikumusa kubona kuli babeleki ba Namibia ba bapala kalulo ya butokwa mwa ndwa ya tukuluho ya sifumu.
“Ki buikumuso kuli babeleki ba Namibia ba bapala kalulo ya butokwa mwa kubupa sifumu sa naha, ni kufukuza bunjebwe bo butalimani ni mianda-anda ya batu baluna.” Kwa buelela Mueteleli wa naha.
U talusize kuli hańata-ńata muuso u susuwelize bunde bwa kubupa silikani mwa maneku kaufela a misebezi ya sifumu, imi ku bukeleza silikani seo ki hande ku bupa swalisano kakuikambota mwahali abao ba bupa kalulo mwa misebezi kuli kube ni tumelelano. Ba yahi bapili ba naha, neba elelize babelekisi kubona kuli litukelo za babeleki za kutekwa nako kaufela, mi bona babeleki niba likopano ze yemela babeleki baswanela kubona kuli ba peta misebezi ya bona. Kakuya ka yena, mutu kaufela kapa katengo kaufela ka kalubaluba liswanelo za babeleki mulao uta bonana ni yena. Mi muuso u tabona kuli babeleki ba fiwa lituto ni kufiwa zibo mwa misebezi kuli bakone kuba ni kwinano ni ba linaha zeńwi. Mueteleli u ize, muuso u tazwelapili kulela ni bupa milao ni linaneho zeo litafa batu zibo, sihulu babanyinyani ili kubupa zibo yenca ni babeleki babana ni zibo ya misebezi.
Kupuzo ya lizazi la babeleki ya silimo se, toho ya taba neli “kusileleza kutulo ka kuikambota,”kalulo yeo isusuweza kueza hande ni ku ambolisana mwa likalulo ze talu za kuyema hamoho. Mwa kupuzo ye zibahala ka lizazi la Kandao (May Day) nekuputahanezi limembala za ndu ya kashandi (Cabinet), babeleki ba mayemo apahami mwa maluko a muuso, ba zamaisi ba likuta ni ba tutengo totu yemela ba beleki.
– Nampa