Presidente Hifikepunye Pohamba kuva kumundindira aka ture yirugana yorutenda paveta yipo vantu vatameke kurugana rutenda oru rokomuzogo.Sirugana sangesi kuna kundindira vasiture paveta momapeu gakapita. Sihorokwa sangesi kuna kukara sauvali kutunda tupu apa somuhowo gasi tulisirepo president gokuhova gwaNamibia kamarada Sam Nujoma ogu gakapatwilire sirugana esi mwaNsinano 5,2002.Mokukwama mugavi mapukururo moministeli zoyirugana nougendero nomagwanekero Julius Ngweda katente asi presidente Pohamba takahamena nage moyirugana yokulizambera mokuturapo rutenda ruze koutokero wosirongo.Yirugana eyi nare vayigava kwava navayirugana nahena yirugana tayitameke mosikondovike somazuva 14gaSikukutu mvhura zeezi.Sinano esi sina hupuko kuna kara tupu sokusika konomurongo ntazimwe eyi vana kugazara kumana momakwedi ntazimwe vakasikise koOndangwa kutunda koSomeya. Esinganyekero lyoyimaliwa yina siki konomiliyuna N$500 ngava yiruganesa vamane yirugana eyi yina hupuko.Ngweda katente asi yirugana eyi kuna kuyindindira yikapwe meyereko lyoyimaliwa mvhura 2008/9 .Etateko eli lyakere lyosinano sokusika ko246,kwasimana mwa Pembankuru mvhura zeezi.Konyara vantu womomukunda wokusika ko 19000,yiwo vakuta varugene sirugana oso.Awo kuna kutanta asi nomiliyuna 1,6yido varuganesa ano vantu owo kwatambura yimaliwa yina siki koN$18207 momuntu,ano epangero alyo kwaruganesa nomiliyuna dina siki koN$841mokukamana sinano oso.Vamwe ava vakere wokulizambera kwakere vana siki ko44000 yiyo vameneko yirugana yina siki ko22000. Mosiruwo nye ose vatungire sinano sokuhova nokampani 24 kwadipere sirugana varugane nonomahina morwa evhu lyosinano oso kapi lyawapa.Nositasi edi vana manako ngesi kuna kara saDokotora SamNujoma poOshivelo ntani sopo Omuthiya woyipundi ntani sesinye sosipe somoOndangwa esi varuka gumwe gatusiga Nehale Lyampingana.Nare yina moneka asi vantu vana hafa morwa nare vana turako mawoko mokuninka asi projeka ezi zize mouta wakora.Movarugani womositata saVenduka vantu wokusika ko160 kavazire vakarugane korutenda.Ndangi Katoma mogendesi gomagwanekero novadinguli mositata saVenduka katente asi sigendo sawo tasigendesa munona gositata mugolikadi Elaine Trpper. Mokutara unene woprojeka ezi kuna kutumangeda doropa nazo zikambekeko kuwoko yipo varete ekuliko kovantu ava vakara ure nonodoropa.Mokugwedako konyara varugani 30 wokombunga ezi zeyi yononzira nawo kava kakere kosirugana sangesi.Ano mokukwama mouyungilipo gwawo Audrin Mathe katente asi mbunga zawo nazilituramo mokuninka asi nomfuto domonzira vadisesupike.Mosivike sooso ministera goyirugana,ugendero nomagwanekero Joel Kaapanda kakazegwilire paveta nzira ezi zogarawe vawapukurura kutunda Ondangwa oze Oshikango ezi zagwanekedesa nodoropa edi mbali.