Abraham Mwanyekange
Ehangano lo-ALV Engineering inali litula ashike mokutunga omatungo neepate ndele otali dana yo onghandangala yakula unene okuyandja komaudano moNamibia.
ALV okwa tameka okuvatela omaudano ongoshinakuwanifwa shehangano okushunifa moshiwana.
Monena o- ALV oi na eengudu mbali dokatanga kokeemhadi moNamibia, imwe oyovalumenhu omanga ikwao oyovakainhu. Eengudu edi ohadi dana meelixa da yooloka moshilongo.
Omukomesho wehangano lo- ALV Cletus Nyongesha okwa ti ovayambidida omaudano ahapu noshimaliwa, ngaashi omaudano oMayoral Cup, Ondangwa Master, osho yo Okapya Annual Tournament.
“Ngeenge oKing Kauluma Palace, osho yo Eeshoke Chula Chula tadi danene meumbo ohatu yandje oshimaliwwa keshe komudani dingi sha koya po N$2 000 mefiku naasho otashi ulike elitulemo letu momaudano,” ta ti.
Nyongesha okwa ti ehangano ohali longifa oshimaliwa shihapu momaudano molwaaashi omaudano ohaa vatele ovanyasha ngeenge tashi ya komikalo, okulongela kumwe osho yo oku va kaleka moundjolowele.
Okwa weda ko ta ti o-ALV otai twikile nokuvatela pomaudano.