New Era Newspaper

Icon Collap
...
Home / A dhipaga okanona ke komimvo ne

A dhipaga okanona ke komimvo ne

2021-01-11  Victoria Kaapanda

A dhipaga okanona ke komimvo ne
Top of a Page

Omukiintu gwomimvo 29 okwa mangwapo kopolisi Etitano lya zi ko sho anuwa a dhipaga okanona ke komimvo ine momukunda Omanenepeke moshitopolwa shaMusati. Omukuluntu gwopolisi moshitopolwa shaMusati Titus Shikongo okwa ti, oshiningwanima shoka osha holoka lwopotundi 13h00 yomutenya momudhingoloko gwaNesi.

“Otaku hokololwa kutya omukiintu ngoka anuwa e na uunkundi wopamadhiladhilo okwa li a ithana okanonakadhona mondunda e ka kulule momutse. Okwa li a kwata okanona e te ka thingonona othingo noshikayiwa, nokusa ethimbo olyo ndyoka,” Shikongo ta ti ngaaka.
Ta ti, ethimbo ndyoka oshiningwanima sha holoka aakuluntu megumbo okwa li ya za mo, megumbo  oyali mo nokanona komivo hetatu hoka ineka ningasha.

Shikongo ta ti, shoka sha etitha eso lyokanona inashi shiwika natango, nomukiintu ngoka ota holoka komeho gwompango nena.
Naku sa okwatseyika nedhina Joseph Ndiweni Emilia
Moshiningwanima inaashifathana opolisi moshitopolwa shaMusati oya mangapo aamati ye li yaali, taya fekelwa mekwato koonkondo dho kanona komimvo.

Shikongo ta ti, oshingwanima shoka osha holoko oshiwike sha ziko potundi 13h00 yomutenya momukunda Esilikangala momudhingoloko gwaKahao.
“Otaku hokolwa kutya aamati mboka anuwa okwa li ya ithana okanona hoka mondunda ya wo yo kulala nokukakwata koonkondo ayehe, “ Shikongo ta ti ngaaka.

Omulumentu gumwe okuna omimvo 24, omanga gumwe dhe omimvo inadhi tseyithwa natango.
Sha ikolela kepeko lyopolisi moshitopolwa shErongo, omulumentu gwomimvo 35 Fillemon Nghatanga, okwa adhiwa a imangeleka konima adhipaga kuume ke komihole momudhingoloko gwaKuisebmond.  
Opolisi ta yi ti, oshingwanima shoka osha holoka ethimbo lyongula Olyomakaya. Otaku hokololwa kutya Nghatanga okwa li atsu kuume komihole noombele si go ome so.

Uyelele wa pitithwa kopolisi, Nghatanga okwa li athigipo okambapila kashangwa kutya, oma so  ngoka oga holoka sho omukiintu ngoka a li a hala okuhulithapo ohole pokati ka wo naNghatanga.
Otaku hokololwa kutya ongula ndjoka yoshiningwanima Nghatanga okwa li adhengele kuume ke, eye kuye lwo potundi 06h00. Sho akathika pegumbo lya wo po08h00, okwa thikile momidhimba, noku tseyithila opolisi.
Aaholike mboka okwa li ya moniwa kaashinda lwa hugunina uusiku wEtitano pegumbo lya wo.
Omukiintu ngoka nakusa paife, okwa tseyika nedhina Hertha Ndakula Daniel.


2021-01-11  Victoria Kaapanda

Share on social media
Bottom of a page