New Era Newspaper

New Era Epaper
Icon Collap
...
Home / A fiwa pomutenya komhepo eshi ya hanauna po eumbo laye

A fiwa pomutenya komhepo eshi ya hanauna po eumbo laye

2022-11-07  Festus Hamalwa

A fiwa pomutenya komhepo eshi ya hanauna po eumbo laye

Festus Hamalwa

Omukalimo womomukunda Onambutu moshitukulwa shaHangwena Esther Nanyanga-Mutumbulwa ota hokolola ta ti oku na eumbo laye lapepwa po komhepo. Okwa ti okwa kumwifwa komhepo oyo ye mu fiya pomutenya eshi ya teya po ongulu yoshinanena yomeumbo noshoyo eenduda mbali doipeleki.

Oshikumwifalonga eshi sha ningwa omwedi wa djako efimbo lomoshanga shomutenya ashike vati ka kwa li pena sha eshi tashi ulike kutya oku na omhepo efiku olo. Pefimbo Kundana a talela po eumbo laye, Mutumbulwa okwa hokolola ta ti meumbo ina hangika mo eshi latewa po komhepo onghee okwa hangika aya kofikola komutumba wovadali.

“Onda dengelwa ongodi kounona kutya ongulu yomeumbo oya teka po eshi oipeleki, eepala doitenda oya pepwa ko komhepo. Oipeleki okwa li ya umbilwa mepya kokule neumbo onghee oshiningwa eshi oshikumwifa nai,” Mutumbulwa ta hokolola. Okwa ti efiku olo kongulu okwa wa eedopi dimwe odo hanga da denga ounona ovo va hangika ve li mongulu.

“Paife omaliko mange ayeshe e li mongulu otaa lokwa kodula shaashi kongulu ka kuna sha vali oipeleki. Ngeenge odula tai loko mongulu oha mu kala mwatalama omeva onghee eshi oshi li oupyakadi wa kula,” Mutumbulwa ta ti. Okwa weda po ta ti ova kala hava nangala motenda oyo kwa li va pewa kukansela woshikandjohoololo shaEenhana konima eshi eenduda da teka po.

Mutumbulwa okwa ti okwa shala po komushamane waye ou a xulifa omomudo 2020, yee kena sha oilonga tai dulu oku mu etala oyuuyemo. Onghee otai indile moshiwana opo shi mu yambidide noshimaliwa, oipeleki ile eepala doitenda opo a dule okulongifa ongulu yaye. Kwau e na e halo lokuyambidida Mutumbulwa na kwatafana naye kongodi yaye yopeke 0812559858.

fhamalwa@nepc.com.na


2022-11-07  Festus Hamalwa

Share on social media