• October 24th, 2020

A hutuka momake gopolisi noku ikutha omwenyo


Omulumentu ta ku tengenekwa e na oomvula 50 nasha, okwa adhika ohela a sa, konima sho a li a zi momake gopolisi nokumatuka po eli miiketanga.

Otaku fekelwa kutya omulumentu nguka okwa li a imangeleke sho a li ta mangwa po kopolisi molwa oshipotha shina sha nehepeko lyopamilalo nekwato koonkondo lyokamanakadhona.

Okakadhona hoka ke na omvula 18, anuwa oke na uulema noha kayi kosikola keli mondondo ontihamano. 
 Gumwe gwomakwanezimo yanakukwatwa onkonga, edhina lye lishiwike kuKundana okwa koleke oshiningwanima shika. Ta ti, omulumentu ngoka okwali a ikutha omwenyo omanga eli miiketanga. Ayehe okwali haya zi megumbo limwe, momukunda Oshipumbu, moshitopolwa shaMusati.

“Okamwamemegona okali keya kungaye, taka lili anuwa otaka ehama pokati komagulu. Onda kala andi ka thimike ka lombwele ndje oshili kutya ota ehama koshike. Onda kala noku ka ningila omatilitho kutya, ngele itaka popi oshili, otandi ka lopota kaakuluntu,” omukwanezimo ta ti ngaaka.
Ta ti, sho naku ningilwa omuyonena a kwatwa kuumbanda okwa tameke ta ti: “ota ndi ku lombwele ihe ino shipopya nande. Tate okwe ya kungaye uusiku wOsoondaha ta pula ndje ngele ondi na omumati, onda ti kandi na sha. Okwa ti, nandi mu papatele nduno, e ta falandje kondunda. Okwa hula ndje iikutu eta longo ilonga ye. Konima okwa lombwelendje kutya inandi shi popya,” ngoka a ningilwa omuyonena a hokolola ngaaka komupambele gwe.

Ta hokolola ta ti, natango ongula yOmaandaha okwa tsikile oku ya miihulo nomwana omanga aantu kaaye mo megumbo.
Omukwanezimo nguka okwali eshi lopota kuyina yomunona, e taya dhengele opolisi. Ta ti, opolisi sho yali ya thiki omulumentu ngoka oye mu mutula miiketanga.

“Sho ali a tulwa miiketanga kaapolisi mboka yeli yaali okwali a fadhuka po komeho gawo, omanga eli  miiketanga,”ta hokolola ngaaka.
Omukwanezimo ta ti, oku wete kutya okwali adhini aapolisi oshoka ka yali ye na oondjembo peke, yo oya li ashike yeli yaali. Nonande yali ya kambadhala okumutidha ka kwali ye mu adha sigo ya sholola. Ta ti, sho a zi mpoka okwa yi ashike koohe, komukunda Uukwandongo, ngoka guli popepi, eta yi momuti guli mepya, eta imangeleke nongodhi omanga eli miiketanga.

“Natse oshetu limbilika kutya osha ende ngini opo a imangeleke omanga e li miiketanga. Aakwanezimo ye, yo koohe mboka yali ye mu mono sho a endjelela momuti nokudhengela opolisi oya ti, ina pita mo megumbo, ina ye mu mona nande nande,” ta popi ngaaka.
Omupopiliko gwopolisi yaNamibia Kauna Shikwambi okwa koleke oshiningwanima shika ta ti, oshali sha lopotwa Omaandaha. 
“Omulumentu ngoka anuwa okwali a kwatwa omonakadhona koonkondo,” Shikwambi ta koleke ngaaka.


Victoria Kaapanda
2020-07-30 16:18:33 | 2 months ago

Be the first to post a comment...

You might also like...