Omulumenhu weedula 37 okwa fya eshi a tuwa nombele kukaume kaye Etine lopo18:15 pomukunda Oniikolondo moshikandjohoololo shaTamanzi, moshitukulwa shaMusati. 

Commissioner Titus Shikongo okwa hokolola ta ti ovalumenhu ava okwa li tava tanguna efimbo lokomatango.

Okwa ti nakufya okwa li tava tanguna nomufeekelwa vati shaashi nakufya okwali a kolwa efiku limwe eshi a landelelwe elodu lilula loWhisky komufekelwa. 

Shikongo okwa ti okudja opo nakufya okwa handuka nokuli, okwa kufa ekatana ndele ta tameke okudenga omufekelwa kofingo noshikwatelwa shekatana.

Okudja opo omufekelwa okwa dja po ndele ta kufa ombele nokutwa nakufya oikando i li itatu. Opolifi oya ti nakufya vati okwa tuwa tete luvali meemati, nolaxuninwa okwa ka tuwa lutatu mwokooko.  Nakufya okwa mona oshiponga unene, nokwa xulifila ponhele opo a tuwilwa nombele. Nakufya oye Timoteus Lilongeni Iitula a dja momukunda Oniikolondo moshitukulwa shaMusati.

Olutu laye ola twalwa kokila yopolifi pOkahao, novakwapata vaye ova shivifilwa efyo laye.

Omufeekelwa oku na omido 34, okwa kwatwa po nota ka holoka momhangu. Omakonaakono opolifi otaa twikile. Caption: Efano oku ulikifa ashike ndele kali na sha noshiningwanima eshi.