New Era Newspaper

New Era Epaper
Icon Collap
...
Home / Aanona yaAngola ye li 30 oye na omanyutu

Aanona yaAngola ye li 30 oye na omanyutu

2021-05-20  Victoria Kaapanda

Aanona yaAngola ye li 30 oye na omanyutu

Omukokoli gwehangano Kwafela Oshiwana ota indile oshigwana shi yambidhidhe naashoka shi na po okukwathela Aangola mboka taya si ondjala.

Cornelius Paulus, ota ti ehengano lye otali longo mekwatathano nelelo lyaMbandja, lyUukolonkadhi noombelelwa onene dhoshitopolwa shaMusati, opo ya kwathele –unene aanona ye li 30 mboka taku hokololwa ya kwatwa komukithi gwondjala. 

“Otwa lopotelwa aanona yAangola ye li 30 ya kwatwa komanyutu moshitopolwa shaMusati omolwa ondjala. Otatu indile moshigwana tu tsikileni ngaashi hatu yambidhidhathana shito, opo tu ka kwathele aamwameme mboka,” ta ti ngaaka.

Otwa ningi ethimbo tatu kwathele mpeya naampeya moshilongo ashihe, nehangano lyetu otali ende tali mana po unene kombinga yiikulya, ashike olyi na ehalo nohokwe onene okuyambidhidha aantu mboka ye li mondjala.

Paulus ta ti, inatu etheni aashinda yetweni taya si ondjala, okashona to tula po, otaka kwathele notaka hupitha. “Otu li methimbo lyuutalala, kehe ngoka e na iinguma, iikapute oshowo iizalomwa inayi pumbiwa, ina ekelahi ihe, netu tumine tuka pe mboka ye li mompumbwe,” ta popi ngaaka. Ta gwedha po ta ti, aantu mboka oya gongala mehala limwe, onkene oya pumbwa wo natango iikeelelitho, okukeelela omukithi ngoka gu li mokati ketu, Covid-19. “Kehe ngoka e na ehalo lyokukwathela naashoka ta vulu namanguluke okudhenga konomola yandje yopeke 081 204 2231,” Paulus ta ti ngaaka.

Ta ti, a gandja okashona , okwa hunga omwenyo. Shika okwali sha kwathele Aanamibia oyendji okuza omumvo gwa yi sigo onuumvo mboka ya li ya taalela uupyakadhi wa yooloka.

“Ehangano Kwafela Oshiwana, olya totwa po okukwathela mboka ye li mompumbwe ngaashi naanaa Aangola mboka taya si ondjala,” a hokolola ngaaka.

Paulus okwati, okukeelela omawupyakadhi ngaashi omikithi nomaso ongele tatu kwathelathana okukeelela ayihe mbyoka. 


2021-05-20  Victoria Kaapanda

Share on social media