New Era Newspaper

New Era Epaper
Icon Collap
...
Home / Covid-19: Eembete moipangelo inadi wanena vali

Covid-19: Eembete moipangelo inadi wanena vali

2021-06-23  Festus Hamalwa

Covid-19: Eembete moipangelo inadi wanena vali

Omukulunhuwiliki moministeli wouhaku Ben Nangombe ota ti ouministeli waye owa taalela eshongo linene eshi eembete itadi wanene vali ovanaudu ve li moipangelo.  

Eshi osha etwa unene komivalu dinene dovanhu tava kwatwa kombuto yoCovid-19. 

Meenghundafana a ninga naKundana Nangombe okwa hokolola ta ti oipangelo oiyadi unene ovanhu veli kepango lombuto yoCovid19, novanhu vali a va vena omaudu okwao ayooloka, onghee okwa ti ngaashi eembete dokunangala ina di wana vali shaashi efiku nefiku omwaalu wovanhu ouhapu tave u ya koshipangelo.

“Otuli mefimbo lidjuu lomukifi
woCovid19 tau dipaa ovanhu mounyuni aushe, keshe efiku moshilongo shetu otamu monika omwaalu wovanhu vahapu tava kwatwa kombuto ei. Onghee naasho osha eta opo moipanhelo mu kale muhadi neenghono,” Nangombe ta ti.

Nangombe okwa ti unene tuu oipangelo yomoWindhoek oyo yimwe yadidilikwa muna omhumbwe yeembete shaashi ovanhu ovahapu tava kwatwa kombuto ei.

“Oshiwana nashi liufe komilandu doCovid19, ovanhu navadjale oulapi vokomilungu efimbo keshe, oshiwana
ina shipumbwa okukala shili momangudumano. Omukifi ou owa nyika oshiponga neenghono, onghee na shi kale oshinakuwanifa shomunhu keshe opo a kale okwashipaleka kutya elandavelo lombuto e
i ola shuna pedu,” Nangombe ta ti.

Okwa denga omufindo ta ti Namibia
ina fa oilongo ikwao ngaashi China noAmerica ngeenge otashi ya poikwafifo youhaku moshilongo shetu, onghee otwa pumbwa oku liufa komilandu.

Nangombe okwa ti efiku nefiku ovanhu otava fi kombuto ei, okwa yelifa ta ti ounona vahapu paife ova ninga eefiye shaashi ovadali vavo ova fya koCovid19.

“Otwa didilikwa kutya omafyo ovanhu a va tava fi kombuto ei, omwaalu vovanhu vahapu va fya ovava ina vatunhilwa ovenda yoCovid19, omanga ova shona a shike va fya ovo kwali vatunhilwa oCovi19. 

“Onghee otashi kwafele ngeenge ovanhu tava i va katunhilwe ombuto ei shaashi ngeenge omunhu ova kwatwa komufiki
ou, ndele ina vendwa oha kala ena
omhito ili popepi yokufya,” Nangombe ta yelifa.

Okwa ti koilongo imwe mounyuni
omafyo okwa shuna pedu, nomwaalu wovanhu tava kwatwa kombuto ei owa shuna pedu shaashi ovanhu ova hapu vatunhilwa ombuto.

“Onghee natuyeni tu katunhilweni opo tu kale tuli meameno la wana,” Nangombe ta ti.


2021-06-23  Festus Hamalwa

Share on social media