New Era Newspaper

New Era Epaper
Icon Collap
...
Home / Covid: Lindila labulalu lifitile

Covid: Lindila labulalu lifitile

2021-06-07  Loide Jason

Covid: Lindila labulalu lifitile

Naha Namibia ise italimani ni lindinda labulalu labutuku bwa Covid-19, mi nombolo yababa swalelwa kakokwani inze iekezeha hahulu, babañata banze balobazwa mwalipatela, silundwamanje basweli kuzinyazinya kutabiwa lindonga zasilelezo.

Muzamaisi yomuhlu waliluko la makete Ben Nangombe natiselize kuli naha Namibia ise italimani ni lindinda labulalu, sina nombolo yababaswalelwa kakokwani hainze ihula kazazi. Labulalu viki yefelile nekubihilwe kuli ba865 sebabulailwe kikorona mwanaha Namibia, nombolo yezwelapili kuekezeha yaba 56 264 seba yambuzi kakokwani, mi kiba 70 000 feela babafumani ndonga yapili yakuisileleza.

Naha Namibia nekile yaswala butuku bwa Covid-19 lapili la 13 Liatamani 2020, mi kutisa cwale nombolo ise ihulile hahulu. Lipatisiso zacwalecwale libonisa kuli 63% yabayahi banaha balumela kuli litapelo libeleka hahulu kufita lindonga zakuisileleza kwakuyambula butuku
bwa korona. 

Nihaike lindonga lifumanwa mahala mwanaha kaufela, buñata basweli kuzinyazinya kuitabisa kuzwelela muuso haukala mungendenge wakutaba mahala fahala kweli ya Lungu. 

Nangombe yana alabela kwalipuzo zana lumezwi naize naha haifumani feela babayambula babañata, kono buñata bwa batu sebabonisa lisupo, nikukula hahulu ni kutimela.

“Luswanela kufukuza kuhula kwalimbolo zababa yambula. Batu baswanela kunga pizo ye kuba yabutokwa. Luswanela kueza molukonela kaufela katundamo sina mone luezelize butuku boo habukala. Luna ni kutina mamasiki, kuikema mambala ni kutapa kwamazoho,” naelelize. 

Nakupile hape babasika itabisa kale kuitabisa, sina lindonga haliliteñi kubabana ni lilimo ze18 nikufita. Kanako yakubulela nibamakande Nangombe napatuluzi kuli nombolo yababa lobalizwe iekelize, ili taba yesunda kuli kube niminshini yemiñata yepompa moya wakubuyelela. 

Nabulezi hape kuli nombolo ya mimbeta iekelizwe kwalipatela. 

Liñaka zasipatela libulela kuli lindonga zakuisileleza kwabutuku bwa Covid-19 libonahalile kusebeza, mi likupile batu kuyo itabisa.


2021-06-07  Loide Jason

Share on social media