New Era Newspaper

New Era Epaper
Icon Collap
...
Home / E li mangelekela moshikuku sheexuxwa

E li mangelekela moshikuku sheexuxwa

2022-06-10  Festus Hamalwa

E li mangelekela moshikuku sheexuxwa

Opolifi moshitukulwa shaKhomas otai kongo ovakwapata vomulumenhu weedula 37 a hangika eli mangelekela moshikuku shexuxwa kolukanda Havana moWindhoek.

 Omulumenhu okwe li tuwa Etitatu efimbo lokomatango koovene voshikuku sheexuxwa eshi kwa li tava di kometaxa.

Nakufya okwa hangika e na okamutwe kaNamibia ke ne edina Lukas Shituleipo Nandjeleka.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti oshikuku sheexuxwa osha hangwa opo sha pu okulongwa kovakwashiwana vopolukanda opo eshi ve li unganeka okuninga opoloyeka yavo yeexuxwa.

Efiku tuu olo vati ovakwashiwana ova uhala tava longo poshikuku opo nokonima yefimbo ova kaya kometaxa opo va lukile poshikuku komatango.

Opolifi oya hokolola tai ti oovena voshikuku eshi ve uya poshikuku shavo ova hanga omulumenhu oo eli meemhango a fya nale.

Okudja opo oshiwana osha lopotela opolifi kombinga yoshikumungu eshi.

Kapena omukanda wa hangika ponhele opo tau yandje ouyelele kombinga yefyo laye.

Olutu laye ola twalwa kokila yepangelo onghee opolifi otai indile oshiwana opo shi kale sha telela po okila opo shi ka tale ngeenge omukwapata ou o wavo.

Omakonakono opolifi otaa twikile kombinga yoshikumungu eshi.

– fhamalwa@nepc.com.na

 


2022-06-10  Festus Hamalwa

Share on social media