New Era Newspaper

New Era Epaper
Icon Collap
...
Home / ECN okwe lilongekidila omahoololo taa kala koSwakopmund

ECN okwe lilongekidila omahoololo taa kala koSwakopmund

2022-08-11  Festus Hamalwa

ECN okwe lilongekidila omahoololo taa kala koSwakopmund

Omupopiliko wokakomisi komahoololo koElectoral Commission of Namibia (ECN) Lina Ndengu okwa hokolola ta ti ECN okwe li ongekida nomahoololo a wedwa po ookansela taa kala ko Etitano loshivike eshi.

Ndengu okwa ti omalongekido omahoololo okwa pwa onghee okwa ti oshiwana nashi longikide oukalata washo vokuhoololifa opo shi dule okukakufa ombinga momahoolo a wedwa po.

“Oilongifo yokuhoololifwa aishe opo i li ya wana okulongifwa mefiku omahoololo taa kufa ombinga,” Ndengu ta ti.

Okwa ti omahoololo otaa ka kala koshikandjohoololo shaSwakopmund konima eshi kansela wokungudu ye lifikamena po yo-IPC a taatawa mongudu oyo.

Ndengu okwa yelifa ta ti naashi osha eta opo ECN a kale a ninga omahoololo a wedwa po shaashi ope na omilandu da tulwa po ko-ECN kutya ngeenge kansela wongudu yonhumba a fika ya po ile atatawa mongudu oha pa ningwa omahoololo a wedwa po.

Onghee okwa ti elalakano opo ovakalimo vomoshikandjohoololo shaSwakopmund va holole kansela wongudu ou va hala e velele.

Okwa ti okwa telelwa eengudu heyali mwa kwatelwa ongudu ye li fikamena po yoIPC ta di ka kufa ombinga momahoololo oukasnela a wedwa po.

Okwa lombwela Kundana ta ti ENC okwa deula ovanambelewa 145 tava ka longa momahoolo noshoyo ovakalimo navo ova pewa ehongo nghee ve na okukala tava hoololo opo vaha ka ninge omapuko.

Okwa ti elalakano lokudeula onavambelewa opo ku kwashipalekwe kutya otava longo nondjungu noshoyo okukala vaya kula nawa oshiwana.

“Ohatu kala tuna eenhele dokuhololela 26 noshoyo oukefa vatatu wokuhoololela tava kala tava ende keenhele da yooloka kuna ovanhu ve li kokule noukefa vokuhoololela,” Ndengu ta ti.

Okwa weda po ta ti ECN ota lalakanena okuyandja omhito kovanhu aveshe va wanifa eedula dokuhoolola opo va kale va kufa ombinga mokuhoolola shaashi osha fimana ngeenge omunhu ta longifa oufemba waye.

Okwa kunghilila oshiwana sho moshikandjohoololo shaSwakopmund opo shi li ufe komilandu do da tulwa po keenhele dokuhololela.

“Keenhele a dishe dokuhololela ota ku kala opolifi ye li longekida okukala ya ungaunga nau ina hala okufimaneka omilandu daECN,” Ndengu ta ti.

fhamalwa@nepc.com.na


2022-08-11  Festus Hamalwa

Share on social media