New Era Newspaper

New Era Epaper
Icon Collap
...
Home / Elikwamo lyerudiko nondja momukunda Kavango zoupumezuva kalikere lyomutaro-Mbambo

Elikwamo lyerudiko nondja momukunda Kavango zoupumezuva kalikere lyomutaro-Mbambo

2018-09-13  John Muyamba

Elikwamo lyerudiko nondja momukunda Kavango zoupumezuva kalikere lyomutaro-Mbambo

Rundu - Nguuru gomukunda Kavango zoupumezuva Ndokotora Samuel Mbambo, katente asi nampili ngomu yina kumoneka asi elikwamo eli kavakere nalyo lyokulikida nondja kalikere ngwendi silika gona, nye kuna kara asi melikwamo lyepangero kupitira mongendeseso esi tuna kutumbura asi Harambee hawe kuna kara mulyo unene ntani mbudi kuna lihahanene uzuni naunye. Silika kuna kumoneka ngwendi sisesi nye melikwamo nye eli lyaHarambee ndi asi (HPP) kuna kara lyenene, ntani vahamenimo vasesu kavakere nye nondja edi kava kere tavalikida hawe kuna kara domutaro ntani mbudi ezi kazitundire apa kuna kara asi kapisi zaKavango goupumezuva gelike nye kuna kara asi zouzuni naunye kooku wakatwa. Yimo ngoso ana kutanta Mbambo apa nye kakere asi kuna kuhuyunga pehageso lyosilika esi kasikere momukunda gwendi.  Nombunga doUN, ngwendi asi UNESCO, nombunga dakara asi kwakarerapo nondja mouzuni, yirongo yimwe yaSADC muna kara ngwendi Zimbabwe naZambia nawo yipo kavakere posilika oso, nomukunda nye edi twalikundama nado muna kara Otjozondjupa, Hardap, Oshikoto naOhangwena nawo yipo kavakere, yimo ngoso ana kutanta nguuru ogu ana kara asi anahafa unene. Age kakere tapandura vahamenimo unene vadinkantu. Nomukunda horowero gono domoKavango zoupumezuva nadinye ntazimwe yipo kadikere dilihameseremo, eyi yina kuhafesange unene omu vadinkantu vetu kavalihamesereremo ntani vanangesefa gona vetu omu kavawizire nonongesefa dokulisigasiga vadilikide kovantu. Ame kapi tanivhuru kumupandura momunene, nampili ngomu ninadiva asi komupitire momaudigu gokulisigasiga, ngesefa kwakara ngwendi muntu ana kuza aka huge wahana kudiva asi nokakwata nomfi ndi asi nomfi musinke nokakwata. Vahemenimo kavakere tavarudike nondja dokulisiga siga ntani yimwe ngwendi nomfi, yokukuna ngwendi makovi nayimwe ngoso, mahangu, nohunhwa nayimwe ngoso yokulisigasiga.  Ame kwakumuhundira asi yahamuretera mukaro nago peke morwa kapi muna gwanamo Yuma mongesefa, nye somulyopo asi vantu ngesi vanamudiva ntani vanadiva ngesefa zoge. Erudiko eli lyonondja kalitamekere moune kumwe nepongo kaliyahege momapeu kositenguko awo kavagene makwatesoko konokampani dokulisiga siga omu kayikere asi Old Mutual yizo nye kazikere nosinka sokugava mbatero zonzi. 


2018-09-13  John Muyamba

Share on social media