RUNDUS – Aiǂnû-aob Kavangob Aiǂoas ÅKharisi ǂGari-aon !Nans dib, Adolf Muremib ge !hū!nāsi ǂgari-aona ra ǂgan in ǂgui Ånōb !nâ haiǂûn haide ǂgāsa, ǂharugub īǁkhāsib ase.
Nē haide xu a hā ǁkhās ge sap-e kurus tsî haiǂûna ǁkhāti !hūb khoen tsî ǂharugun ai ǁamaxusa, sorosa !gâi ǂûn Åkha omkhâis !aroma. Ai!â gere ǂoa wekheb di Wunstaxtsēs tsî Donertaxtsēs hâra ai-i ge Green Paradise Orchards hîa Muroro !garo!ās !nâ ǁgoes, Mashare ǁHûi!nâǂharis Kavango Aiǂoas ÅKharib dis !nâ ǁkhāǁkhākhâisa ge māhe. Nē ǁkhāǁkhākhâis ge Mâti da haiǂûn haide ǂgā tsî a kō!gâ tsî tani!kharu ǁkhās ai ge !gao!gaosa i.
“ǂGuida âda ge haiǂûhaina ǂgā ǂgao tama hâ, tare-e a !aroma? Tare-e ra ǁkhaeda amaga da kaise i ga ǂgui tama i xawe, haiǂûn haide a !hana ǁoa?. A da nē mâsiba kō!gâ tsî !khai-i ai tsoatsoa.
Tita ge Ågui !gâi!gâ khoen di Åguita Israela ge sari hâ i da, tsî ǁnāpats ge daob am!gâb ai bananan, mengon tamas ka io olaif haina mû tamase !kharu tama hâ. Aiǁgausets nēpa xu Divundus kōse !nūse nî !naris kara, ob ge hoa !khaiba haiǂûn haidi xa Åoahâ,” tib ge Muremiba ǁhao-aona ge mîba.
“Sada ge a !gâi!gâ tsî kai !āba ūhâ, ǂûtanixa !hūba ūhâ ti ī, o tare-e a sada !gomsi? A da !garise sîsentsoatsoa tsî kōtsoatsoa !auga!hūga xu xūna ǂgâxa-ūs tsî sada !hūba xūna sîǂoas hâra !gâi!gân tsî ǁgoaǂuina !oa. Sada ge ǂan da ase !nāsa haiǂûn nēpa da ra ǂûna !auga!hūga xu ra ǂgâxa-ū tsîn ge sada marina !hūba xu gui !nās hoasa ra ǂoa. Xawe da ga sada nē mâsiba n ÅkharaÅkhara ǂgaos ka, o da ge haiǂûna xu da sap-e nî kuru tsî sîǂuiga kai kuruǁâuba Åhui-am tsî khoen tsîna ra sîsenma.
ǁKhākhākhâis ge Duitse ǂNûiǂgās !Auga!hūsi Sîsenǁareb dis (GIZ) dis di marisimâ!gâs Åkha ge īǁkhā. Oliver Manungob, ÅHûǁarebese ra ǂgari-aihe !Hūdi Omkhâis Projeks di mûǂamaob ge khoena ge mîba in ǂharuguÅgauga dawa!nâ tsî tā ûitsamaxūn Åkha ǂgaris ai Ågui ǂâisa ǂnûi, xawe sorosa ǂuruse omkhâis xas tsîna ǂâi tsî haiǂûna ǂgâxa-ū.