Omuntu gumwe okwa hulitha, naapolisi ye li yahamano okwa li ya mono iiponga sho ya kwatwa kolwaadhi miiningwanima iyali mbyoka ya holoka moshitopolwa shaKavango shokuuzilo. 

Otaku hokololwa aapolisi mboka ya mona uuhaku Etiyali lyoshiwike shika, sho anuwa otenda moka ya li ya lala ya kwatwa kolwaadhi. 

Oshiningwanima shoka anuwa osha holoka moshikunino shiinamwenyo shedhina Bwabwata National Park. 

Moshiningwanima osh it iya l i , omulumentu gwomimvo 21 okwa si sho anuwa a yakulwa po kolwaadhi Omaandaha goshiwike shika omanga aamwayina yaali ya li ya hupu. 

Sha ikolelela kepeko lyopolisi moshitopolwa shaKavango oshiningwanima shoka osha holoka kofaalama tayi ithanwa Ngaraunda momudhingoloko Ndiyona. 

Otaku hokololwa kutya oshiningwanima shoka osha holoka pethimbo aanegumbo mboka ya li ya hondama omvula mondunda yimwe yomwiidhi. 

Opolisi oya ti, olwaadhi olwa li lwa kwata ondunda ndjoka nokutema omulilo. 

Omulumentu ngoka okwa li anuwa a pile mo omanga yakwawo yaali, ya li ye shi pondola okuza mo inaaya mona iiponga. Nakusa oye Maundu Muhoko. 

Omvula yonuumvo sho ya tameke okuloka oya faalele oomwenyo dhaantu oshowo iimuna miitopolwa ya yooloka moshilongo. 

Omwedhigwazikonatangooshikundaneki shika osha lopota aantu yatano, mwa kwatelwa okanona komimvo ne, ya si sho ya li ya kwatwa kolwaadhi. 

Otaku hokololwa kutya aantu ye li yane okwa li ya ka mona uuhaku mbala. 

Oshiningwanima shoka osha li sha holoka momukunda Oneifiyo moshitopolwa shaHangwena. 

Otaku hokololwa kutya oshiningwanima shoka sho sha holoka aantu mboka ayehe okwa li ya ondama omvula mondunda yomwiidhi. 

Mo sh itopolwa shaHangwena , momukunda Onainganga natango omwa lopotwa iikombo yi li 9 mbyoka ya yakulwa po nokudhipagwa kolwaadhi mehuliloshiwike. 

Omumvo gwa zi ko okwa lopotwa natango iikombo yi li 21 ya yakulwa po kolwaadhi moshitopolwa shaShikoto, omanga yi li 12 ya li ya yakulwa po nokudhipagwa kolwaadhi momukunda Okapya momudhingoloko Ondangwa. 

Otaku hokololwa kutya olundji iikombo ohayi ningi iihakanwa yolwaadhi oshoka oyi hole okugondja momiti pethimbo lyomvula. 

Sha ikolela kaanongononi, omuntu ina pumbwa okukala e li kohi yomiti, nenge a thikama oshowo e li popepi noopaala dholusheno ethimbo lyomvula. 

Taku tiwa natango osha nika oshiponga okulongitha oongodhi pethimbo lyomvula oshowo okulongitha iinima ya kwatathana nolusheno. vkaapanda@nepc.com.na