• November 17th, 2019

Kalenga takahwilira momberewa zovandonga omu ana kuliwapayikira etungiko


Oluno - Karuha kamwe kezimo lyovandonga wouhompa nkera kavatamekere kurugana pamberewa eyi yapumbwapo omu Konisa Kalenga navakamutungika akare Hompa govandonga ndi asi (Omukwaniilwa) meraka lyawo”.

 Ose nare tuna gava mapukururo kwaMinistera gonodoropa nonomukunda dokomambo an oose ngesi kuna kuwapayika nye yimbapira eyi yapumbwa kuyirugana kukwama veta komeho tukatungike hompa gwetu” muhuyungilipo mbunga ezi Oscar Sheehama, yimo ngoso ana kutanta. 

Kalenga kavamutumbwire kumwe hena nokumulikida kombunga sirugana esi kavarugene vakondi vezimo lyouhompa wovandonga mosondaha pevango lyana kufa hompa Kauluma Immanuel pomukunda gwaOnamungundo. Elikwamo eli ali pilire kuhoroka moomo mosondaha, Kalenga sipwa sendi Fillemon ShuumbwaNangolo nage kavamutungikire asi hompa govandonga membo lyendi lyakara pomukunda Onambango age kazimutungikire mbunga zimwe hena zope zezimo lyouhompa wovandonga. 

Kepuro nye asi ezi mbunga ezi ezuvake nye navakatungika Kalenga nage akare asi hompa gorudi rwendi, Sheehama kalimbwilire asi ezuva ntaantani valigave posiruwo tupu sosisupi. Nokugwedako asi nampili ngomu vana pilire kumutungika kapi yina kutanta asi nokuruganasi yirugana yendi youhompa. Kalenga dogoro popo kavamutumbwire ngoso, mosondaha age simpe foromani kurona gomukunda IIkango B momukunda nye gwa Oniimwandi.

 Gonomvhura 55, age kwamurere hompa ogu katusigire Kauluma kutunda tupu age nomvhura ntatu. Age kwatungire kumwe naKauluma dogoro mo 2001 apa nye gayakwere yipo gadirukire. Epuro asi morwa sinke vezimo lyouhompa vandindira dogoro poopo ana kudogoroka Kauluma ntani vana kutameka kurwanesa egano lyanakufa. 

Shuumbwa kwakere munonagona gwanakufa ntani gumwe ogu vadivire asi nepu natundapo Kauluma hawe evango lyouhompa lyendi. Age kalimbwilire asi awo momapongo nagenye ogo nare vagusa kuyitumbura yininke yangesi nye kapi ngava lizuvhu asi yinke yokuvhura kurugana. Sheehama simpe kuna sikama pegano eli asi nokufa kapi gakara nononkondo dokutumbura muntu ogu nakagusa evango olyo, morwa veta zawo kapi zayipulisira asi ogo ana kukadogoroka atumbure ogu ngagusa evango olyo lyouhompa.

 Age katente asi awo kuna kukondja dogoro vagwanekedese muho ndi rudi oru rovandonga kumwe. Nokugwedako asi mbunga zawo aw okapi vana kara noudigu wokuliyonga mukaro ogu dogoro vakagusepo udigu pakare mbili. 
Awo kuna kara tupu negano lyokukareta muhoko ogu pamwe, Sheehama yimo ngoso ana kutanta, ose kuna kuyimona asi twahepa kukwama veta zetu, oyo yiyo yimwe nye yina kutugendesa asi ngapi omu natuza komeho. 


Nuusita Ashipala
2019-04-25 10:14:48 | 6 months ago

Be the first to post a comment...