New Era Newspaper

Icon Collap
...
Home / Kalulo yamukwakwa wa Luhonono ikafela mwa Ñulule

Kalulo yamukwakwa wa Luhonono ikafela mwa Ñulule

2018-09-10  Aron Mushaukwa

Kalulo yamukwakwa wa Luhonono ikafela mwa Ñulule
Top of a Page

Katima Mulilo – Kalulo yapili yamukwakwa wamasheleñi abolulelule ozwa Namalubi kuya Isize ni Luhonono, itekezwi kufelelezwa mwakweli ya Ñulule, kakuli muyahi waona ubonisize kueza musebezi omunde, kasamulaho akukutela fafasi kwamezi amuunda. Mubusisi wa sikiliti sa Zambezi Lawrence Sampofu nakile abulela mwakweli ya Mbuwana kuli bakeñisa matata hala kuyahiwa kwamukwakwa wale, purojekiti nekauhanyizwe mwalikalulo zepeli. Kalulo yapili ili yalibima zemashumi amabeli ka zene, izwa Namalubi kuya Isize, hamoho cwalo nimukwakwa ofapuha kuya kwasimu ya rice kwa Kalimbeza. 

Kanako yakutatuba mukwakwa viki yefelile ba New Era nebalemuhile kuli mukwakwa ofapuha kuya kwasimu ya Kalimbeza wabutelele bwalima zepeli ni licika use ufelile, mi kubonahala kuba nicinceho kwamukwakwa omutuna. Mubakweli ku Likwambuyu wa Misebezi ni Linzila James Sankwasa nakolwisizwe kimusebezi ose uezizwe hala mukwakwa. Nabulezi kuli nihaike sicaba sina nimaikuto akuli mukwakwa use ulyehile, taba yeo hainyazahali kakuli kubile nilicinceho zeñata hala mukwakwa wale, bakeñisa mezi amuunda ane atulanga mukwakwa mwalibaka zeñwi.

“Lubata kueza musebezi okondile ili kuli mukwakwa hause ufelile lusike luyokuta hape kasamulaho asilimo kutoeza musebezi oswana. Kacwalo tiyeho ye hainyazahali kakuli iezezwa sicaba ni muuso. Ieziwa kuli kupetwe musebezi sakata, isiñi kuitahanela nikueza musebezi wa mbwashula,” nekubulezi Sankwasa. Kalulo yabubeli ili yamukwakwa ozwa Isize kuya Luhonono ikabelekwa kuyona kwamakalo asilimo sesitaha kasamulaho akufeleleza kalulo yapili. Masululelo amezi akalulo yeo acincizwe ili kuli kukone kuba nimitanonyana hamoho cwalo ni mitano yemituna yemilalu hala milapo yemituna ni yetungile.


2018-09-10  Aron Mushaukwa

Tags: Khomas
Share on social media
Bottom of a page