IMPALILA – Likwambuyu wa Sisole Penda Ya Ndakolo nakwaluzi simubuso kampe ya Impalila yasisole samwamezi viki yefelile, ili yeo alumela kuli ikabapala kalulotuna mwakutisa silelezo, nikulwanisa bubangoki mwasioli sesifumaneha upa ili sesi ipa museto ninaha Zambia ni Botswana. Naize lipatisiso zasisole samwamezi zene liezizwe kasilimo sa 2011, neli lemuhile kushekesha kwasilelezo kwamukulela walinuka za Chobe ni Zambezi, mi nekufilwe kelezo yakuli kubeiwe silelezo yakwanuka kwa Impalila, kubukeleza limbule zanuka zanaha Namibia. 

“Musebezi walimembala zasisole sanaha babakaba kwanu kwa Impalila, kikufa silelezo kakupatalala mukulela wa Namibia ni Botswana, niwa Namibia ni Zambia, ili kuli basebeleze sicaba mwalikalulo zeshelashelana, zecwale ka kubuluka mulao, kubona kuli malonji alonga hande batu, kutusa mwalinako zamuunda, kufa lituso zamakete, nilituto zasilelezo yamwamezi,” nekubulezi Ya Ndakolo.

Naekelize kuli “Buñata bwamatata afumanwa mwa Impalila, kilikezo zehanisizwe zecwale kakusila isi kamulao, kuyamba isi kamulao, kuzuma isi kamulao, busholi ni kulekisa lino zehanisizwe.” 

Ya Ndakolo naize kikalibaka leo Sisole samwamezi nesilumelezwi kubupa mutayi oukamezi libaka za Zambezi, Chobe ni Kavango. Ya Ndakolo nabulezi hape kuli kambe iamuhezwi kilinaha zeli mabapa, mi ingiwa kuli kisilelezo sakata “yabatu baluna mwasikiliti se.”

Sioli sa Impalila sina nibatu babalikana likiti zepeli, mi hape sina nimubu onunile.