OMUTHIYA – Kasamulaho aliviki zetalu kuzwelela likolo halikwalula, baituti ni maicele kwa sikolo sesituna sa Onguti basali mwasimbwi kuli bakwalula lili, kakuli sikolo sicikami mwamezi amutabani.

Kasabo yakufumana matuku bakeñisa mayemo amaswe, sikolo sisiyala sikwalilwe, kono maticele baya kwasikolo kakucincana mazazi. 
Bashemi babañwi bane babulezi ni New Era babilaela kuli bana babona baka sialela hala kuituta, sihulu hakutalimwa mayemo asikalibelelwa a Covid-19. Kuakalezwa kuli pompi ya mutabani ni mushini oanya lise li supezi, mi seli taba ye ezahala kamita.

“Neba ketile muyahi wa pompi kono hasika fita kale, kono luna ni muyahi wa mapaipi aisa mutabani yasweli kueza musebezi, kono kabunya. Butata bobutuna bubihilwe ku kubona ñohola, mi muzamaisi wa tuto naziba. Taba yeo italimilwe sapili kibaliluko la misebezi, kono kulobeha kuzwelapili hape ni hape,” neku tiselize paki yana salati kuzibwa kasabo ya kunyaziwa. 

Muzamaisi wa tuto Aletta Eises nanitifalize kuli musebezi usweli kuezwa fasikolo kuzwelela viki yefelile, kono napalezwi kubulela kuli lika lizamaya cwañi, kakubulela kuli ukwanda sikiliti kuza musebezi. 

Zeo halili cwalo muzamaisi swalelele wa tuto Vilho Shiputa naize tiyeho itiswa ki kipompi ni lisebeliso zene lekilwe mwanaha South Africa mi halisika fita kale.

“Mulelo waluna neli kukwala viki, kono lika zatepelela kakuli lisebeliso zetokwahala neli lekilwe kwanda naha. Kono lulibelezi kuli amuhela cwanuñu, mi halise lifitile muyahi usepisize kuto likwesa lizazi leli swana. Kacwalo nako ifi kamba ifi mwaviki yetaha lukaswana lwakwalula sikolo,” nabulezi. 

Shipuata nalatuzi mabulatwi akuli silalanda sa sikolo si tibile. 
Hala kuituta naize maticele basweli kusebelisa lituto zafaintaneti, mi milelo hala nako yesinyehilwe ibakanyizwe.