New Era Newspaper

New Era Epaper
Icon Collap
...
Home / Lipato zanaheñi litisa butata kwa Kalimbeza

Lipato zanaheñi litisa butata kwa Kalimbeza

2022-03-28  Albertina Nakale

Lipato zanaheñi litisa butata kwa Kalimbeza

Nihaike lipato zanaheñi lihapa maikuto, mupunga waKalimbeza ukataziwa kilinyunywani zeo kakuli lisinya mupunga osali omunyinyani. Mwangambolo ni New Era viki yefelile muzamaisi wasimu Patrick Kompeli nanitifalize lipato zanaheñi zenze tisa butata. 

“Kanako yacwale kilipato feela zanaheñi zesweli kusinya mupunga omusali omunyinyani. Litou halisa tisa butata,’ nabulezi. Kompeli natolokile kuli kutata kutalimana ni lipato zanaheñi, sina halitaha busihu. Butata bobuñwi kikuli mupunga wasinyehanga haubuzwize hahulu. 

Kanako yacwale kuna ni mifuta yemibeli yamupunga, ili Irga ni Super. Kutokwa tuso yamasheleñi kufofalize simu yaKalimbeza kuba yelima mupunga omuñata. Kanako yacwale kuna ni babeleki ba11 babainelezi, mi hakuna baswalelele.

 Kompeli naize mupunga ono calilwe mwakweli ya Yenda 2021, noswanelwa kukutulwa kwamafelo aSope, kono kutulo nelyehisizwe bakeñisa kulobeha kwaminshini yakukutulisa. 

Kabumai hakuna mupunga olekiswa kanako yacwale kakuli munshini obakanya mupunga ni ona ulobehile.

 Mupunga olikana 1kg uleka N$14.95 kwasimu, mi olikana 2kg uleka N$29.90. Muzamaisi naize teko yabona ikutezi fafasi haibapanywa ni kokuñwi.  Kanako yacwale hakuna mulelo wakulekisa mupunga kwande kakuli haukwani mwasikiliti,” nabulezi. 

Kompeli nabulezi hape kuli purojekiti ifumana mezi akuselaelisa kwanuka, mi haki amañata. Kuna ni lipompi zepeli zetuna zeisa mezi kwasimu yamupunga, kono ki iliñwi feela yebeleka mi yeñwi itokwa kupangiwa.


2022-03-28  Albertina Nakale

Share on social media