Marythar Kambinda

KATIMA MULILO – Likolo la kulikanelela kwabaana ni basali, kufelisa bunjebwe ni pabalelo ya sicaba neli tambekile lisebeliso zelikana N$77 000, kutusa balipisnisinyana kufumana masheleñi mwasikiliti sa Zambezi viki yefelile. 

Bane bafumani lisebeliso bana ni lipinisi zecwale ka njimo, kubeta, kuluha, kucala miloho ni kuuta likuhu. Mubakweli likwambuyu wa likolo Bernadette Jagger naize likolo lifilwe musebezi wakubona kuli sicaba sifumana lituso mwakutahisa kulikanelela ni kulwanisa bunjebwe.

“Kamaniti mwamungendenge wo, basali babañata ni baana bane bafumani lituso neba mbweshafalize lituwelo zabona ni kukenya babañwi misebezi,” nabulezi. 

Naekelize kuli lisebeliso lisiyala liluwilwe kilikolo mi liswanela kusebeliswa kaswanelo. Nabulezi hape kuli kitaba yebilaeza kuli babañwi bane batusizwe lipisinisi zabona lishwile. 

“Nihaike lika licincize bakeñisa butuku bwa Covid-19 mususuezwa kubeleka katata, mubabaze lipisinisi zamina, nikutahisa miselo,” nekubulezi Jagger.

Yomuñwi kubane bafumani lituso Candy Linosi walilimo zemashumi amalalu kazetalu naize nakalile kuuta likuhu mwasilimo sa 2020 kalikuhu zezwala mai zemashumi amabeli. “Likolo haliyo potela pisinisi yaka lwapili, nebaizo fumana likuhu zemashumi amabeli, mwapoto yabubeli nese nina ni likuhu zemashumi alobañwi kazene, mi neba tabile hahulu. Seba ni eleza kuyandulula sibaka mone ni utela likuhu. Kona hani tabile hahulu kufumana neulo ye kachenu,” nabulezi. 

Nasusuelize basalinyana babañwi kubeleka katata ni kueza lipisini. “Lusike lwa libelela mutu yomuñwi kulufa sico, lufumane lituwelo kakubeleka katata,” nabulezi.