New Era Newspaper

New Era Epaper
Icon Collap
...
Home / Lipumulelo la muuso la Katima limwa mayemo maswe

Lipumulelo la muuso la Katima limwa mayemo maswe

2019-11-11  Aron Mushaukwa

Lipumulelo la muuso la Katima limwa mayemo maswe

KATIMA MULILO – Lipumulelo la sipatela sa muuso sa Katima Mulilo, linze lili mwamayemo maswe kalikweli zebalwa. Kamukwa ocwalo babalatehelwa kibalatiwa babona bahapelezwa kuisa litupu kwalipumulelo zakwamukunda, ili kobayo lifiswa masheleñi amañata. Bakeñisa kuli hakibatu kaufela babakona kulifa litifo zetomwa kibalipumulelo zakwa mukunda, litupu zeñwi zasinyehanga, mi sicaba sibilaezi zamuunko ozwelela kwalipumulelo, ko mayemo amakete atepelezi, mi sabeya makete abatu mwakozi. Mubihi yo, ulemuhile kuli libatisezo zeñwi zalitupu halibeleki, kacwalo litupu haliba zeñata kutaha butata. Kuekeza fo, libatisezo zebeleka halikoni kufita famayemo atokwahala kubatisa litupu.

Kaku alabela kwalipuzo zene lumezwi kumuetapili wamakete mwasikiliti sa Zambezi, Agnes Mwilima, nalumezi kuli lipumulelo la sipatela sa Katima Mulilo litalimani nilibulukelo zalitupu zesabeleki. Nanitifalize hape kuli neba amuhezi lipilaelo kuzwelela kwasicaba kuli lipumulelo “nelisabatisi kaswanelo.” Kono nasepisize kuli taba isweli kutalimwa mi liluko likalile kulundulula lipumulelo. “Kulundulula nekukalile mwakweli ya Muimunene 2019, kakulundulula kokulukela mi mabulukelo aketalizo naezizwe, kuyolisa ane asa sebezi. Kalulo yapili ifelile, mi lusepa kukala nikalulo yabubeli mwasilimo sesinca sa masheleñi,” natolokile. Mwilima naize, “libulukelo zeketalizo zenca likona kubuluka litupu ze 15, mi lipumulelo kaufela likona kubuluka litupu ze 36.” Naize muuso nosinyehezwi mali afitelela lule (N$1.2 million) mwakalulo yapili.


2019-11-11  Aron Mushaukwa

Tags: Zambezi
Share on social media