• August 19th, 2019
Login / Register

Mubeleki watuto uswaliwa nimanaka a tou


KATIMA MULILO – Mubeleki mwaliluko latuto nisizo naswelwi niliemba zelishumi kazesilezi zamanaka atou kamapakela Labulalu. Bamulao nebaize motikala yaliluko latuto yanombolo N 58788 W nesebelisizwe kueza mafosisa awo. 

Kutamiwa kwa muuna yoo nekunitifalizwe kiyabona zasilelezo yalifolofolo mwasikiliti sa Zambezi Morgan Saisai, yanaize yanyazwa natamilwe kakusasa kanako ya 02h00. Kulumelwa kuli yanyazwa nakile akwaeza motikala yamuuso kubanda mapokola nibababona zasilelezo yalifolofolo zanaheñi. 

Kono naswelwi kasamulaho akuyo siya motikala yamuuso nikubata kubaleha nimotikala yahae.  Utalimana nimulatu wakufumanwa nililama zalifolofolo zesilelelizwe hamoho cwalo nisebeliso maswe yamotikala yamuuso. Yanyazwa nalibelezwi kubonahala mwakhuta yamuatuli yomunyinyani mwa Katima Mulilo Labune. Neli lwabubeli mwaviki babeleki baliluko latuto bafumanwa baitengile mwalitaba zalifolofolo zesilelelizwe, kasamulaho ticele Robert Sinkolela walilimo ze 48, niyanyazwa niyena Albert Siyauya walilimo zemashumi amane, nebafilwe mulatu wakulifa N$40 000 yomuñwi niyomuñwi hane babonahalile mwakhuta yamuatuli yomunyinyani mwa Katima Mulilo. Kasamulaho akutamiwa la 6 Sikulu hane baswelwi ninama yalifolofolo zepeli zamwanaheñi. Bubeli cwalo nebasweli mwakezo basweli kubuha lifolofolo mapokola habato baswala mwamunzi wabona mwasilalanda sa Mutikitila.

Palo ya babeleki ba likolo la tuto bese ba swalezwi manaka a litou ni kuzuma isi kamalumao mwa sikiliti as Zambezi inze i pahama silimo ni silimo.

 


Aron Mushaukwa
2019-07-22 11:30:15 28 days ago

Be the first to post a comment...

You might also like...