• October 16th, 2018
Login / Register

Mukadi kahandukire katjisilire munwendi mema gomapyu


Windhoek–Munonagona gomugara kuna kugwana uhaku mosipangero sepangero saKatutura poopo ozina wokumureta kavamutjisilire mema gomapyu gana kuvira morwa kanyokere kukara novamumbya vendi. 

Zinya ogu sivike kasipwire moutano kasigire munwendi ogu ngano asi atakamese mumbye ndi siruwo oso awo ozina vaze kositora, nye mumatigona ogu age yiyo kazire nye akadane, kumwe nokusiga mumbyendi gomukeke.

Apa nye ozina kavakatengwire hawe kwato oku vana kumugwana ogo ponye gonomvhura murongo, eyi kayininkisire ozina vahanduke unene. Zinya ogu gonomvhura 43, gatunga morukanda rwahakahana kavamukwete muvali kositenguko konyima tupu apa kavagwene mbudi asi yiyo yina horoka oyo. Zinya ogu gakara asi kapi arugana, ngesi kuna mutamba nye erapoto lyokuninkiliramo vanona ndi asi vatungi vemembo ngesi kuna kumundindira akamoneke kompanguro kwamangastarata. 
Sirapotwa sendi ngesi kuna kusikonakona ava ava rugana kumwe nelikwamo lyeninkiliromo ruha rovaporosi ava nye vana kara nerapoto lyangoso. 

Muporosi arugana mouporosi wositata saVenduka Fabian Amukwelele age katente asi simpagwa sangesi kasihorokere moutano womazuva 31 September 2018, koyiha yonovili 16h30 konyima tupu apa ozina womunona owo kava katengwire kositora apa kavayagwene mukeke gonomvhura mbali gelike ana kudana anon ye ogo muurwendi hawe age noku ana zire. 
Apa nye ozina kavakatengwire awo kavakere tava papara mumatigona ogu, nye kapi kavamugwene. Konyima nye zosiruwo age yiyo kakatengwire makura ozina tavamupura asi yinke ana sigire munone. 

Nye age kapi kakere nelimbururo nkenye. Makura age mukadi yiyo nye kamutjisilire mema gomapyu. Yimo ngoso ana kutanta Fabian. Mumati kavamutwere nye kosipangero saKatutura oku kava kamukonderere.  

Nye ozina ngesi awo kuna kutanta asi kavagazarere asi kuna kumutjisira mema gomatenda. Nokugwedako asi mumatigona ogo mutwini, kuvhura akadane dogoro ngurova. Konyima tupu opo kavamutjisilire mema ogo, ozina yiyo kavamutwere kosipangerogona omu kavakamutanterere asi ngano gahepa kutengwidirako munona ogu kosipangero nye age kapi kayirugene oyo kumwe nokumukwita magadi gokongereka.
 

Sihorokwa sangoso kasihorokere hena momukunda gwaOndangwa omu ozina wositumbwena womukadona kavatjisilire mukadona ogo nomema gomapyu morwa kapi kadimisire gisa zawo. Vantu ntaantani kuna kudimisa gisa morwa asi kuruganesa rutjeno monaruwa kukwama udigu ou una tugumu weekonomi. 

Ozina ava wositumbwena Pafunisia Mwadhina Josua, gonomvura 36, kuna mutamba erapoto lyokuzonagura rutu romunona neninkiliremo. Amukwelele kahundilire vakurona asi nsene tavapisura vanona vaharuganesa mukaro gomudona unene. 
Age simpe kahundilire nkarapamwe asi vahepa kugava marapoto nsene asi vana mono mukaro gwangoso kuna kuhoroka omu vana kuhepaka vanona.


2018-10-11 10:14:10 4 days ago
Share on social media

Be the first to post a comment...