New Era Newspaper

New Era Epaper
Icon Collap
...
Home / Mungendenge wa likolo la lipeleko utisa sepo

Mungendenge wa likolo la lipeleko utisa sepo

2023-04-03  Correspondent

Mungendenge wa likolo la lipeleko utisa sepo

Marythar Kambinda

 

KATIMA MULILO – Likolo la Lipeleko Silikani ni Likampani ni Tahiso ya Misebezi neli felize mungendenge wa teñi wakuziba milao ya lipeleko, mi mafelelezo neli mwasikiliti sa Zambezi Labubeli. Butokwa bwa mungendenge neli kuikambota ni sicaba hamohocwalo ni babelekisi kuamana ni milao ya lipeleko mwanaha, mane cwalo ni litaba zakutahisa misebezi ni kuzwisezapata kutwisiso ya sicaba.

Sibuabui wa likolo Maria Hedimbi naize kunani lipilaelo za babelekisi baba salateleli mulao wa lipeleko. “Lulemuhile mwalinako zakutatuba maofesi koku eziwanga kibatatubi baluna kuli babelekisi babañwi baicanganisa kulatelela milao yefumaneha mwa Mulao wa Lipeleko, mi kacwalo luipumana luamuhela lipilaelo zeñata zeama babelekisi baba salateleli mulao,” nabulezi. 

Lika zeswana sina kusalifa lituwelo kanako yelumelelanwi. Nabulezi hape kuli mungendenge notabezwi mwasikiliti sa Zambezi mi buñata nebatile kuto iñolisa kuli haba beleki ili kalulo yeñwi ye eziwa kilikolo.

“Kutisa cwale nelufumani mañolo ababatokwa misebezi alikana mashumi alobapeli mi aka beiwa famukoloko waluna,” nabulezi. 

Hedimbi kono naize likolo halifi misebezi kapa kutahisa misebezi. Naelelize hape babatokwa misebezi kuli bababalele zebatokwa kubatisa misebezi, ili kuli bakone kuipatela misebezi bona beñi. “Kuna ni misebezi yetokwa feela batu babakona kusebeza, kacwalo batu babasina mapampili atuto baka tokwiwa kuli bañoliswe,” nabulezi.


2023-04-03  Correspondent

Share on social media