Elelo lyondoolopa yaShakati olye ya po noprogalama yoku pombela omatale nomadhya ge li popepi nomalukunda, nelalakano okukeelala opo aakalimo yae kaaya kwatwe kuMalaria.

Omunambelewa-pitithi mombelewa yelelo lyondoolopa ndjoka Katarina Kamari okwa ti, omatale nomadhiya oshowo oontopa dhina omeya otadhi kala tadhi pombelwa kehe konima yoomwedhi mbali. “Oprogalama ndjika otwe ya po nayo okukeelela omukithi gwomalaria ngoka hagu zi moomwe, dhoka hadhi kala pomahala gena omeya nomwiidhi,” ta ti ngaaka.

Kamari ta ti, okupombela hoka itaku futwa, onkene aakwashigwana naya pitike aanambelewa uuna taya pombele momahala gawo.

Ta ti, ngele opena mboka eshi ehala lyi na omeya nomwiidhi momudhingoloko gwaShakati naya tseyithilwe opo ya vule okupombela ehala ndyoka.

“Ohatu lopotelwa kuuministeli wuundjolowele nonkalo nawa uuna, pena gumwe a kwatwa kumalaria momudhingoloko gwaShakati, opo tuka pombele kegumbo lye oshowo puushinda wa wo,” Kamari ta popi ngaaka.

Ta gwedha po ta ti, kehe ngoka ena ehala e li landa ihe, ina tameka okutunga nenge eethelamo omwiidhi ogundji, elelo lyondoolopa ota li kemufutitha.

“Iimaliwa mbyoka tayi ka futithwa, otayi ka tentekwa komwaalu  gomeya ngele ga patuluka, ihe manga inaaga futwa ga pwe, nonzapo ye hala ndyoka mwene iteyi pewa,” a fatulula.

Kamari okwa kumagidha wo oshigwana shi longithe iikelelitho ayihe okwiigamena  kaashi kwatwe kumalaria.

Ta ti, inaya hala oshipotha shomalaria mondoolopa yawo.

“Aakalimo mboka yena iimeno po magumbo, omahala gawo oga pumbwa okupombelwa sigo omeni lyegumbo oshoka oomwe ohadhi kala dhi li momeya giimeno,” ta ti ngaaka.

Takumagidha ta ti , ngele egumbo limwe ta li pombelwa naanga gwopuushinda naga pombelwe oshoka oomwe ohadhi tembuka okuza moka mwa pombelwa, tadhiyi hoka inaaku pombelwa. Kamari ta popi ta ti, omagumbo ngoka haga talama omeya naga kambadhale okututila mo omavi okwiindika omeya.

“Elelo lyondoolopa oha li kwathele okututila omavi mpoka pena omeya, uuna ge li kopate nenge kondje yohofa yegumbo.