Muyemeli wasilalanda sa Samora Machel Nestor Kalola, ukupa muuso kuyaha sikolo kwa Goreagab kutusa baituti ba 529, baba itulezi kwamandu, bane bapalezwi kufumana sikolo unumwaha.

 Nabulezi kuli kuna ni tokwahalo yakuyaha likolo zetalu zalitopa zakwatasi ni sikolo silisiñwi salitopa zepahami, bakeñisa kuekezeha kwanombolo yabanana mwasilalanda.

Mukoloko one ubonwi kiNew Era osupeza palo yabaituti bane bapalezwi kufumana sikolo kuzwa sitopa sa 0 kuisa 11, mi Kalola ubulela kuli kikalibaka leo kutokwahala sikolo sesinca. 

Mukoloko kuna basitopa sa 0 (66), sitopa 1 (145) sitopa 2 (68), sitopa 3 (51), sitopa 4 (52), sitopa 5 (31), sitpa 6 (220, sitopa 7 (22), sitopa 8 (50), sitopa 9 (6), sitopa 10 (10) ni sitopa 11 (6). “Neni ezize mikopano ni sicaba sa Goreagab kufumana tatululo kwabutata, kono tatululo feela kikutahisa sikolo sa swalelele, nihaike kutisa matente, ili kuli baituti babe kulo kulikuñwi,” natolokile.

Naize nebatalimani ni butata bobuswana ñohola, mi nañolezi liluko la tuto kukupa tuso mi nasika fumana kalabo yende. Kacwalo ukupa kuli sikolo sikwalulwe kapilipili kutusa banana.