• May 20th, 2019
Login / Register

Mwana China yakulubelwa kubata kuleka kweta ulifiswa N$10 000



SWAKOPMUND – Mwana naha China yana tamilwe kakukulubelwa kuli nabata kuleka mubeleki wakatengo katolopo kweta, kakumufa N$200 kuli asike amufa mulatu wamafosisa ahae, nalukuluzwi viki yefelile kasamulaho akulifa mali alikana N$10 000 akuzekela taba yahae kwande. Muuna yana zibahalizwe kuba Bian Yong Qaun walilimo ze 39, yabeleka mwa kampani yefumaneha kwa Walvis yezibahala ka Chinese Harbour Engineering Company (Chec,) natamilwe viki yaale Labutanu kakusasa mwa Walvis Bay kamulatu wabuputeleli. Piho yaviki yefelile nebonisize kuli Bian nayemisizwe kimubeleki wakatengo katolopo wafamukwakwa Labutanu.  Kukulubelwa kuli nasina liñolo labukwaezi mi natambekile mubeleki wafamukwakwa N$200 kuli asike amufa mulatu. 

Natamilwe onafo mi nabonahalile Labubeli mwakhuta yamuatuli yomunyinyani mwa Walvis Bay, ili mwana lumelezwi kulifa mali akuzekela taba yahae kwande. Muzeko wahae noisizwe la 25 Sikulu kulumelela lipatisiso kuli lizwelepili. Mwamakande amañwi mapokola mwa Karibib basweli kubatisisa kubitelelwa kwamusali yatakana. Kezo yeo nebile teñi Lasabata kakusasa viki yaale mwalinwelo labucwala mwakomponi ya Usab. Piho yamapokola itoloka kuli musali walilimo ze 28 namemilwe kimuuna yasazibwi kwalinwelo leliñwi kuyonga bucwala. Kono yakulubelwa nahohezi musali kwanzila yasitima nikuyo mubitelela. Yana bitelezwi naisizwe kwasipatelanyana sa Karibib kuyo alafwa. Mubiteleli hasika tamwa kale.


Eveline de Klerk
2019-05-06 09:04:13 13 days ago

Be the first to post a comment...

You might also like...