New Era Newspaper

New Era Epaper
Icon Collap
...
Home / Nakudipaa okaana kaye kOshikoto a kwatwa po

Nakudipaa okaana kaye kOshikoto a kwatwa po

2022-11-25  Festus Hamalwa

Nakudipaa okaana kaye kOshikoto a kwatwa po

Opolifi moshitukulwa Oshikoto oya manga po Omukainhu womido 25 oo mexuliloshivike la dja ko a mona okaana, ndele te ka tula moshiyaxa, ta tuvike ko onailona.

Nonande oshiningwanima sha ningwa mOsoondaxa omufekelwa okwa li manga moshipangelo omo a kala e li metonatelo lovakulunhu vaye fiyo ta kwatwa po Etine.

Omukainhu ou oku li omukalimo momukunda Okamwiyu moshitukulwa shaShikoto mo omo a ningilwa vati oshiningwanima osho.

Omupopiliko wopolifi moshitukulwa shaShikoto Inspector Ellen Nehale okwa hokolola ta ti omufekelwa okwa dopa okulombwela ovaneumbo vaye kutya eteelelo laye ola fika okudalwa opo a twalwe koshipangelo.

Onghee vati okudja opo okwa monena okaana meumbo ndele te ka dipaa nokonima umwe womuneumbo okwe litwa okaana ke li moshiyaxa ka fya nale.

Omufekelwa ota holoka momhangu Etitano nota pangulilwa oshibofa shedipao. 

Eshi a kwatafana naKundana, omuxungimwenyo mouministeli woukashikekookanhu Selma Shilongo okwa kumaida ovakainhu opo va kale tava twala ounona vavo koipangelo ngeenge tava hepekwa koupyakadi wopamadilaadilo.

Okwa ti ovakainhu nava ka konge omakwafo koipangelo ile keembelewa douministeli woukashike kookanhu shaashi oku ekelashi okaana ka kushi e kandule po lomukundu.

Shilongo okwa yelifa ta ti ovakainhu vamwe ohava kala va kwatwa koshinyenu unene tuu ngeenge tate wokaana iha yambidida okaana kaye ile ngeenge eteelelo lihe na mwene.

Onghee naashi ohashi eta opo ina yokaana a kale a kwatwa komhepo yokukupulashi okaana kaye shaashi oha kala a lulilwa konghalo.

fhamalwa@nepc.com.na


2022-11-25  Festus Hamalwa

Share on social media