• November 15th, 2018
Login / Register

Nzira zoruha rwaLuhonono kuna kumoneka asi tazikapwa mokwedi kwaSndmba


Katima Mulilo - Karuha gona konzira A zakara asi zokulisiga siga Namulub-Isize –Luhonono kuna kumoneka asi tavakazimana mokwedi kwaSindmba konyima tupu kampani ezi vapa sirugana esi varugana unene kutunda tupu mema goruhanzo apa katameke kutengura. Nguuru gomukunda gwaZambezi Lawrence Sampofu kwayitente ey mokwedi kwa June asi morwa mukaro nye gonzira ogu gwakara asi gokulisiga siga awo kwagaunununa nye yirugana eyi yikare pavali, ruha A rokusika konokilo 24 moure omu vagwanekera nonzira zaNamalubi dogoro koIsize dogoro zakabubuka koruha oru ava zangura reisi ndi asi rise meraka lyovakwetu moKalmbeza.  Posiruwo esi vakere asi kuna kukadingura nzira ozo, sayitunga zaNew Era kwaymwene asi nzira zosinano zokusika ko 2.5 nare vana zimana ntani yirugana yoyinene nayo kuna kugenda pangenderera monzira zina kara asi zonene. Ministera gona gomnisteli zoyirugana nougendero James Sankwasa kakere ana hafa koyirugana eyi vana rugana dogoro papa ngesi. Age katente asi nampili ngomu vantu kuna kuyimona asi yirugana yonzira eyi kwakarapo malrango, awo kuna kara noyirugana yoyinzi kutunda tupu apa nzira zakara asi kuzunguruka nkenye apa komvhura nye awo kwakara tavagazara asi ngapi navagenda ndi asi kurugana ngapi mema gahayazungurura hena nzira ezi. Ose kuna hara kurugana yrugana yokuwaperera.  Apa nye navamana kuzirugana nzira ezi ose kapi tuna hara kukatengwirako asi morwa nzira zina zunguruka komema gomvhura. Nsene valiwora ngoso hawe epangero novantu valyo tavagwanenemo uwa, kapisi udona. Morwa kuna hara varugane sirugana sina wapa nawa nawa. Yivhulise kugenderera nye varugane yirugana yokupira kuziramo. Yimo ngoso ana kutanta Sankwasa. Ano nzira zokutunda koIsize zize koLuhonono ozo tavakazirugana nye mvhura ozo, apa nye navamana kanano aka ko A. Awo kuna wapukurura nye omu nagapitira mema yipo asi kuna turapo nye nontopa donene ntatu dina kara asi mema tagapiti noureru ntani kapisi ureru kusika monzira mwene.


Aron Mushaukwa
2018-10-04 10:14:10 1 months ago

Be the first to post a comment...