New Era Newspaper

New Era Epaper
Icon Collap
...
Home / Okamatyona (19) ka kwatwa po molwa edipao lomunamido 57

Okamatyona (19) ka kwatwa po molwa edipao lomunamido 57

2023-03-13  Festus Hamalwa

Okamatyona (19) ka kwatwa po molwa edipao lomunamido 57

Opolifi moshitukulwa shaMusati oya kwata po omumati womido 19, mekwatafano lefyo lomusamane weedula 57 ou va ti e li tuwa a xulifa mohambo omo vali hava longele aveshe.

Oshiningwanima eshi osha ningwa oshivike shadja ko komukunda Onamukulu moshitukulwa shaMusati.

Nakufya okwa tongolwa oye Gideon Shaanika omukalimo womomukunda Iiyale moshikandjohoololo shaTsandi.

Omukonakoni woimbuluma moshitukulwa shaMusati omupedu Commissioner Moses Simaho okwa hokolola ta ti omufekelwa ohava longo mohambo imwe naShaanika.

Va ti olutu laShaanika ola hangika lina eembululu odo tadi ulike kutya okwa ya shwa nondjebo ashike va ti ina pa hangika pe na ondjebo ponhele opo.

Opolifi oya hokolola tai ti va ti Shaanika okwa kala e na ondjebo meumbo oyo a pewa komuhona waye ashike ndjebo ina i hangika mo monduda omo kwa li ya tulwa, yee nomufekelelwa oo hava longo naye okwa hangika a faduka po.

Okudja opo opolifi oya kala nokuninga omapekapeko okukonga  omufekelwa nosho yo ondjebo oyo ya li ihe wetike.

Opolifi oya hokolola tai ti omufekelwa okwa  ka hangika moixwa a hondama omanga ondjebo oya hangika ya kupulwa shi mekove lavo koshi yomuti.

Omufekelwa okamatyona keedula 19 noka dile koAngola, ota hokoloka momhangu Omaandaxa.

Oshiningwanima shikwao, omunafikola weedula 18 okwa fya eshi a dengwa noku tuwa nombele kongudu yovanhu pefimbo kwa li ta ende ouka keumbo efimbo loufiku modooolopa yaWalvis Bay.

Opolifi oya ti ovafekelwa vatano ova kwatwa po mekwatafano lefyo lokamatyona aka.

fhamalwa@nepc.com.na


2023-03-13  Festus Hamalwa

Share on social media