Opolifi moshitukulwa shaKhomas otai konakona oshibofa omo olutu lomulumenhu ina dimbululwa natango, le lituwa la xwikwa po filufilu. Olutu olo vati ola hangika la kupulwashi momulamba wokukunguluka omeva moWindhoek Omaandaxa. 

Otaku hokololwa olutu ole lituwa kovakwashiwana kwa li tava ende pomukunghulo womulamba opo efimbo lomutenya. 

Commissioner wopolifi moshitukulwa shaKhomas David Indongo okwa hokololwa kutya olutu lomunhu ou itali dimbulukwa kutya olyelye ashike otali ulike kutya nakuninga oshihakanwa omulumenhu. 

Indongo ta ti fiyo opapa kape na omufekelwa a kwatwa po mekwatafano lefyo lomulumenhu oo. 

Onghee ota indile moshiwana kwau a kanifa omupambele waye opo shi kale sha kwatafana nopolifi keshe i li moWindhoek. 

Indongo okwa weda po ta ti olutu lanakufya ou otali ulike kutya otashi dulika a kala a dengwa tete nokonima okwa xwikwa po. 

Omakonakono opolifi otaa twikile moshikungu eshi, nopolifi otai pula ouyelele moshiwana u na sha noshinima eshi opo a lopotele opolifi. 

fhamalwa@nepc.com.na