Omandaha ehi otji ma ri yene oku tjiwa kutja ohorongo onya maitwara pi mo ndjakaha ndjiripo pokati ko vaungure vo horomende nohoromende, mu muno' zo miÞiri.

Kutja ovo ma ve itaverasana poo indee kutja mo ndjakaka ndjiripo nai, oyo ndja ririre yo ko tjiveta otja kOveta yo Viungura yo 2007, tjinga otjihungiriro pokati ko horomende no tutu two vaungure vayo atja yandere mo nyee. Munao otutu tuvari two vaungure mo Namibia,  mutware, tu turi otutu otu nene nene two vaungure, o Namibia Public Service Uinion (Napwu) no Namibia Teachers Union (Nantu), nduri ehika ro zo miÞiri, okuza ke rero otji twa utire oku toorora ko kutja tjii ma tu panda oku honga poo indee. 

Omatoororero inga yeri nganduu ku ndinondi tjazumba omayuva wo ma suviro omaraka ayeutu oku varwa pu ma peya aye kambura omayuva ayehe wo masuviro, ndiri muhuka, Oroviungura,  nganduu ko Sondaha, oku manuka okuvarwa. Puma pe hee kutja otjiwaøa Omandaha otji ma tji yenene okuzuva no ku tjiwa kutja ovaungure vo horomende, mu muna ozomiÞiri, va tie no marara oku panÿa ko viungura poo indee.

Ape ovaungure vo horomende o 100,000 ombu ma veyandja omaraka wao. Otutu two vaungure tu vanga kutja ovaungure avehe vo horomende ve yererwe ozo peresende omurongo ko tji mariva tji ve sutwa, no 25% ko tji mariva tjo kuve vatera  okuranda ozondjuwo  no 9% oku yazema ozondjuwo. Na ndarire kutja otwo twa kaherukire  ko zo peresende ndano zo ku weziwa ko tjimariva ovaungure tji ve sutwa, ohoromende ya ta twa ombaze pehi. 

Ngunda aperi nao katjisupi o Ministera yOviungura, Ongaro mOviungura, nOmameno wOviungura, Utoni Nujoma, wa tji visire kutja ndoovazu ovaungure vatie oku panda okuyenda ko viungura okutja wina mapeya owo ave ha sutwa omayuva ingo ngu ve hina kuungura.