New Era Newspaper

New Era Epaper
Icon Collap
...
Home / Omapitisiro wo vinamwinyo ko  tjikoti mo Kakarara nga ye yande 

Omapitisiro wo vinamwinyo ko  tjikoti mo Kakarara nga ye yande 

2022-09-09  Kae Matundu-Tjiparuro

Omapitisiro wo vinamwinyo ko  tjikoti mo Kakarara nga ye yande 

Oku yauza no kupwisa omuhunga wo horomende mbutja omanyomoneno yasere okuutira mo nganda ohepero kutja avehe mehi veute okutara ko ma unguriro warwe omape ngu ma ye tandere ko u rizemburuka oupe na wina ovingurisiwa ovipe. 

Mena ro kutja ouye oupe kauzara oukuru nu mo mbepo indji Okakarara no Rukondwa rwa Tjozondjupa, otja rumwe oru hongora mo ku tumba vinamwinyo mo Namibia, rwasere oku rira oru kongorera ro mu hunga imbwi. Operesidenda yOkehi ya Namibia, Nangolo Mbumba, nguri omuÞize no mu tjevere wo Maraisiro wa Kakarara, matja. Eye erero otja pa tururire kotjiveta omaraisiro inga, nga utire o tjiveke ihi. Na yendekere  kutja ovimamwinyo ovingi mbiza mOrukondua viyenda no minyo, otja ekmbo nda ungurisire, kovikoti, no ku hina kutja kuvyo ku  weziwa onÿengu nu munao wina mo nganda otji mu ha memwa oviungura. 

Watjere omaraisiro inga katja ye karako no kuhino oveye tunduuze no va pwikire muwo. Munao wina oyo ka yesere oku rira otjitjitwa tjovandu oku ri nanepo uriri nungwari  tjivazu no ku puratena ehungi re otjiungura tja sere okuutja ku katjotjiri ovarandise no va randise oku pimbasana okurandisasana. 

Tjingetjo eye wa tokere ovapwike oku vaza ko Kakarara okwiisira ko ngiwizikiro yo Ngooneya ya Tjozondjupa, James Uerikua, po tji tjitwa tjingetjo ngwa tjere owo nai veno otjiungura otjinene mo Tjozondjupa tjo ku vasisa omeva mom ahi omakombe. Munda imbo we Omutize wa Kakarara Olga Tjiurutue, wa kwizikire kutja mo zo mbura omurongo ndu ma zeya tjandje omaraisiro wa Kakara yarire omaraisiro omatenga mehi. 

Ape ovaraise o 120 omberi po maraisiro inga o 35 vawo nderi ozongetjefa no zo nganda zo horomende.  Peno mihoko o 200 vyo zo ngombe, ozonÿu esere na wina ozo ngombo esere. Ovitjitwa imbi ma vi yanda muhuka ngurova otja tji pekara no mizumbi.

 

 

 


2022-09-09  Kae Matundu-Tjiparuro

Share on social media