Opolifi moshitukulwa Erongo otai indile moshiwana opo shi kale sha yandja ouyelele kombinga yomulumenhu ou vati a hangika e li mexungu lohonde ina dja oikutu.

Opolifi oya ka pena ouyelele kutya nakuninga oshihakanwa olyelye shaashi ina hangika e na oufemba tau ulike edina laye.

Vati omulumenhu ou okwe li tuwa komukeleli womaliko Etitano mokati koufiku lwopotundi 01h30 molukanda Mondesa moSwakopmund.

Omupopiliko wopolifi moshitukulwa Erongo Inspector Ileni Shapumba okwa hokolola ta ti omulumenhu okwa hangika tadi ohonde momutwe yee ita dulu okupopya shaashi okwa dengwa vati a topa kokanya. Vati eshi opolifi oya ninga omakonakono ota kufekelwa kutya omulumenhu ou okwa dengwa eshi kwa li ta kendala okunyeka ovanhu omaliko avo.

Opolifi oya ti oya kwata po ovafekelwa vavali vovalumenhu tava fekelelwa kutya ovo va denga vati nakuninga oshihakanwa.

Nakuninga oshihakanwa okwa twalwa koshipangelo shaSwakopmund nokonima okwa tuminwa koshipangelo shaKatutura moWindhoek ashike vati oku li monghalo ita nuwa omeva. Kwau e na ouyelele na kale a kwatafana nomupedu Commissioner Erastus Iikuyu 0812464757 ile oshitaashi shopolifi poMondesa 0813910671.

– fhamalwa@nepc.com.na