New Era Newspaper

New Era Epaper
Icon Collap
...
Home / “Onda fingilwa oku ya moixulo nomupambele wange”

“Onda fingilwa oku ya moixulo nomupambele wange”

2023-01-10  Festus Hamalwa

“Onda fingilwa oku ya moixulo nomupambele wange”

 Omulumenhu ta tamanekelwa ekatonghonga lomupambele womido 15 ote lipopile momhangu vati okwa undulwa kovalodi opo a ninge oshimbuluma eshi shikumwifa. 

Kunda n a oku shi edina lomutamanakwa ashike ita dulu oku li popya opo ku amenwe oukwatya wokaana. 

Omutamanekwa ou womido 40 okwa lombwela omhangu ta ti efiku loshiningwanima okwa penduka nomhepo tai mu piyaneke tai mu lombwele kutya naye moixulo nomukwanedimo waye. 

Edi okwe di popya Omaandaxa pefimbo a holoka momhangulilo yaMangestalata mOshakati oshikando shotete. Okwa lombwela omhangu ta ti naye okwa uda nai eshi a longela okaana omunyonena wopaixulo, ashike okwa ninga oshinima ehe shi eshi ta ningi. 

“Onda ya naye moixulo oshikando shimwe ashike inandi longifa ongumi shaashi kakwa li ndi na eengumi monduda yange,” ta hokolola. 

Okwa weda po ta ti ohava kala shito meumbo nokaana oko ashike iha kwatwa komhepo yokuya nako moixulo. 

Oshiningwanima eshi osha ningwa efimbo longula lwopotundi 09h00 meumbo lavo momukunda Oshaale Shoonkoshi moshikandjohoololo Uuvudhiya. 

Mengastalata Toini Shilongo okwa anyena omutamanekwa ou omhito yoku li futila mo modolongo opo ku kale kwa ningwa omakonakono elixwa po, noshibofa osha undulilwa komafiku 09 Mei 2023. 

Omulumenhu ou okwa kwatwa po Etine loshivike sha dja ko, eshi vati a kwata onghonga okaana ka dalwa komumwainakadona omutekulu. 

Nakuninga oshihakanwa okwa twalwa koshipangelo opo a ka ningilwe omakonakono opaunamiti noshoyo okupewa omayakulo exungomwenyo. 

Eshi a kwatafana naKundana minista woukashike kookanhu nonghalo nawa yokaana Doreen Sioka okwa ti ovalumenhu tava ningile ovakainhu nounona ominyonena dopaixulo ova pumbwa okupewa ehandukilo lopaveta opo va ninge oshihopaenenwa sha vakwao. 

Okwa ti ovalumenhu otava longo oilonga tai fifa ohoni eshi hava kala tava i moixulo nounona ve na eedula ina di fika. Okwa ti kape na omulumenhu e na oufemba wokukala aya moixulo nounona va shona onghee ku keshe ou teshi ningi ota kala a kwatwa po diva. Okwa kumaida ovadali opo va xulife po okukala tava e fa ovalumenhu tava i moixulo nounona vavo shaashi eshi oshi li omahepeko omomaumbo. Okwa weda po ta ti ovalumenhu ve li mekwatafano lopaihole nounona va shona nava lopotwe keembelewa doukashike kookanhu nonghalo nawa yokaana. 


2023-01-10  Festus Hamalwa

Share on social media