New Era Newspaper

New Era Epaper
Icon Collap
...
Home / Ongwediva Trade fair nuumvo otayi kala ko

Ongwediva Trade fair nuumvo otayi kala ko

2021-05-18  Victoria Kaapanda

Ongwediva Trade fair nuumvo otayi kala ko

Omauliko giipindi ngoka haga kala ko omumvo kehe, Ongwediva Annual Trade Tair, nuumvo oga tengenekwa taga ka kala ko momasiku 26 sigo 31 gaAguste.

Omawuliko giipindi ngoka omumvo gwa yi okwa li ga kalekwa, omolwomukithi gwoCovid-19.

Omupopiliko melelo lyondoolopa moNgwediva Jackson Muma okwa ti nonando omukithi ngoka natango omo gu li mokati ketu, otaga ka ningwa mesimaneko lyoompango nomalandulathano gwokukeelela omukithi ngoka.

“Elalakano lyetu, okugalula eliko lyoshimaliwa, ndyoka lya gu pevi oshowo okugalula oongeshefa ndhoka dha li dha pata,” Muma ta ti ngaaka.

Ta ti, omawuliko giipindi gomOngwediva, ompito ombwaanawa kaanangeshefa oshowo komahangano ga yooloka, oku ulika uunongo niilonga oshowo okushingitha iilandandithomwa yawo.

Omawuliko giipindi mOngwediva okwa li ga patuluka lwotango momumvo 2000, nonuumvo oge li kohi yoshipalanyolo “Okugalula nokuyeleka  eliko”.

“Iipindi mbyoka ohayi gongaleke aanangeshefa oshowo aantu yaza ko kule, taya ulikilathana uunongo niilonga yawo, mehala limwe,” ta popi ngaaka. Muma okwati, nuumvo oya tengeneka okukala yena aawuliki yiipindi ye vule 250, okuza koombinga noombinga.

Ta ti, elalakano okugandja ompito kaanangeshefa oshowo ko mahangano guulike iishingithomwa yawo oshowo okugalula eliko mondoolopa yaNgwediva.

“Omasiku  30 gaMei ota tu kapititha omadhina gaamboka yeshi pondola, okumona ehala momawuliko giipundi. Omanga mosiku 30ga Juni, taga ka kala esiku lya hugunina okufutila omahala,”  a fatulula ngaaka.

Omawuliko giipindi otaga ka ulika iilandithomwa ayihe okuza kiikulya, kiizalomwa na kehe shoka hashi vulu oku etwa po noonyala oshowo oku eta oombelewa hadhi gandja omayakulo ga pumba po pepi.

Muma okwa ti, omawuliko giipindi go numvo otaga ka kala ga yooloka komakwawo, oshoka otaga ka gandja wo ompito no kaanangeshefa mboka itaya vulu okuthika.

“Ota tu ka ulikila mboka itaaya vulu okuthika, okupitila ko mathano gokomalungula gwopashinanena sigo oomwedhi hamano ko nima yoma wuliko giipindi ga pwa,” a popi ngaaka.

Ta ti, shoka otashi ka kwathela okulikila mboka itaaya vulu okuthika, no yena ehalo lyoku tala oshowo okuulika iilandithomwa yawo.


2021-05-18  Victoria Kaapanda

Share on social media