OTJOMUISE- Omupyeke mokurirwa ousemba wehi, Job Amupanda, no ministera yOuokohoke Moveta, Sackey Shangalay, vatie okuhangana nokukatununa ondjakaha yawo kumwe pendje notjombanguriro motjiposa oministera maa ipaha okusutua o N$500,000 i Amuapanda mokutja wemuyamburura.

Kapeatjiukua kokutja owo aveevari vazuvasana kutjatjike posya o New Era yazuu kutja  muna kokutja  Shangala mananununa otjiposa  nauhe asutu otjimariva tjotjombanguriro. Tjemwini. Onÿuvaseneno yawo yopendje notjombanguriro maitjitwa era rotjombanguriro indu tjimavekahakaenena motjombanguriro tjimatjihaama tjitjari amatjihaama okupuratena kuwo.  Shangala watwara Amupanda kotjombanguriro ohunga nomambo kaatjondjumba ngatena motungovi eye maisana ngwari ohahende yohoromende “otjomunatiku” nawina ohunga nomambo ngatena ohunga nehungi ra Shangala pombongarero mo Doha mo Qatar Amupnda wina pari. 

Pombongarero indji Amupanda wahungamisa imba mbari kohonga yao nu munao atja     ovandu va Namibia vahanduzwa iyokutja ohahende yohoromende ya Namibia kahahende ndjiungura otjiungura tjouhahende nu munao otjahawire kehi omazeva waimba mbeungura ouhahende kehi yomazevanga nawina ongaro ndjatjama nandjiundjirwa kwimba mbeungura oveta.  Tjingetjo Amupanda waraera ombongarero indji kutja Shangala waya kozohahende zomahi wombwaneno wehi rOvaingirisa, o United Kingdom,  ohunga nOtjitiro Otjiandjandja tjOvakwena nOvaherero kunehi rOvandoitji.  Makuzu komurungu Amupanda watja ozohahende inÿa vatjitayo vaungura ozoiri 23 meyuva tjitjiri otji¿a otjihatjitwa.

Amupanda wina watwa otjiperednero tja Shangala noministera Netumbo Nandi-Ndwaitwah morungovi rwe nomatjangwa ngaayetja: “Muzandona wandje hapo nai ive koyavaka pupayenene? Arikana muzadona wandje, opuwo. Ovaka komurungu. Ndoovazu ouripura urira owatjiri.”