Omulumenhu weedula 28 okwa fya eshi a tuwa nombele kukaume kaye pefimbo kwa li tava tanguna.

Oshiningwanima eshi osha ningilwa molukanda Freedomland moWindhoek Etivali efimbo longula.

Nakufya okwa tongolwa oye Vetumbuavi Mbaisa omukalimo molukanda Freedomland.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti Mbaisa okwa tuwa nombele loikando ivali nokonima okwa twalwa koshipangelo shaKatutura nokulifa efimbo longula Etitatu.

Ovakwapata vaye ova shivifilwa efyo laye nomakonakono opolifi otaa twikile. Omufekelwa oku na eedula 27 nokwa kwatwa po nota hokoloka momhangu yaKatutura Etine nota pangulilwa oshibofa shedipawo.

Opolifi oya kunghilila oshiwana opo shi li vangeke oku tanguna unene moinima ihe na oshilonga opo ku kelelwa oiponga yomafyo noshoyo ovanhu tave lemanekwa.

Opolifi onghee nga tai kunghilile oshiwana opo shi xulife po oku ya noilwifo keendingosho ile okukala shi na oilwifo ngeenge tashi tanguna novanhu shaashi oshanyika oshiponga ngeenge omunhu ta tanguna e na oshilwifo.

fhamalwa@nepc.com.na