Ounona onghee nga tava twikile nokuninga oihakanwa yomakwatonghonga, unene kovanhu ovo veva li popepi navo.
Oshivike shadja ko opolifi opolifi moshitukulwa shaMusati oya lopotelwa ounona vavali va kwatwa onghonga kovamwainamati.
Oshiningwanima shotete omomo mufekelwa oku omido 26 a kwatwa po molwa ekwatongonga lokamwainakadona komido 15. Omulumenhu ou ota holoka momhangu yamangestalata mOutapi nena.
Otaku hokololwa oshimbuluma eshi sha ningilwa moOmagalanga meumbo lavo.
Omukulunhu koshikondo shokukonakona oimbuluma moshitukulwa shaMusati omupedu Commissioner Moses Simaho okwa hokolola ta ti omufekelwa okwa dja keendingosho a kolwa efimbo loufiku, eshi a ponokela okandenge.
Otaku hokololwa omufekelwa ou a tuma okaana monduda yaye yoku nangala opo vati kaka tale mo okakopi. Pefimbo opo tuu opo, va ti okwa landulila mo okaana monduda ndele te ka nhukile noku ka kwatwa onghonga.
Va ti inakulu yokaana okwa ka uda okaana ta kwena monduda yomufekewa nokudja opo okwa hanga omufekelwa ta longele okaana omunyonena wopaixulo.
Oshiningwanima shikwao, okaana keedula hetatu okwa kwatwa onghonga kumumwainamati womido 32. Oshiningwanima eshi nasho vati osha ningilwa meumbo lavo li li momukunda Oshitukafitu.
Opolifi oya hokolola tai ti omufekelwa okwa li e li meumbo nodenge yaye pefimbo ovakulunhu va dja mo. Ovadali ovakumaidwa opo va kale va kotokela ounona voukadona ngeenge ve li meumbo novalumenhu shaashi okwa didilikwa ovalumenhu hava kwatwa komhepo yoku ya moixulo nounona va shona.