Opolifi moshitukulwa shaShana oya lopotelwa oibofa yomakwatonghonga younona vavali voukadona ova kwatwa onghonga oshivike sha dja ko
mOngwediva.

Okaana kamwe oka kwatwa onghonga mEtitatu pefimbo okwa li taka di kofikola omanga ka kwao oka kwatwa onghonga pefimbo kwa li taka di poushiinda.

Omupopiliko wopolifi mOshana Inspector Thomas Aiyambo okwa hokolola ta ti okaana keedula 11 oka hangika mondjila okudja kofikola ka uka keumbo efimbo loshanga
shomutenya.

Vati okudja opo omufekelwa okwa tameka okuhola okaana ashike oka kala nokuanya fiyo omufekelwa ta nukile okaana ndele tai nako moixulo.

Omufekelwa okwa faduka po konima eshi a longela okaana oushada wopaixulo.

Okaana keedula 13 nako oka nukilwa komufekelwa ndele tai nako moixulo komukunda Eefadoukadona momudingonoko waNgwediva.

Omufekelwa okwa faduka po konima eshi a longela okaana oushada wopaixulo.

Omakonakono opolifi otaa twikile moibofa aishe yomakwatonghonga.

Opolifi onghee ngaa tai kunghilile ounona voukadona opo va kale ve li oupafi ngeenge tava ende ve li auke unene tuu ngeenge tava di keefikola.

– fhamalwa@nepc.com.na