Ohamba yOndonga Fillemon Shuumbwa Nangolo oya kumaida ova yandji voilonga mOndonga opo va kale alushe noku lopota koovene vomikunda ovakwashiwana vaAngola ovo va kuta momaumbo avo.
Okwa ti Omuangola keshe ta kutwa okwa pumbwa tete okulombwelwa eemhango doshilongo shaNdonga nodoshilongo shaNamibia, ye a kale eshi kutya oilonga yoimbuluma oilipipo, opo ku yandwe oimbuluma ngaashi omakwatonghonga, oumbudi woimuna nokudenga novanhu nomalidipao nosho tuu oimbuluma imwepo.
Okwa ti itashi ulike efano liwa ngeenge oimbuluma ya ninga ihapu moshitunda shaNdonga unene tuu ngeenge tai etwa kovadjaidjai. “Osha fimana opo omuyandji woilonga komukwashiwana waAngola opo a kale a popya naye kombinga yomilandu domoshitunda shaNdonga,” Nangola ta ti.
Onghee eshi otashi kelele oimbuluma unene tuu omakwatonghonga oo e li a londa moshitunda shaNdonga eshi ounona novakainhu va ninga oihakanwa yokukwatwa onghonga kovakwashiwana vaAngola ovo va kutwa momaumbo ongaa ovalifi voimuna.
Nangolo okwa ti ombelewa yaye oya didilika ovakwashiwana vaAngola hava kala tava longo oimbuluma ya yooloka mwakwatelwa yoo va li novakainhu hava lopotwa va dipaa ounona vavo.
Okwa hokolola ta ti ovadali vamwe ohava fiye ounona vavo momaumbo novailonga vo vaAngola ndele tava i keendingosho fiyo efimbo loufiku onghee eshi hashi eta opo omunailonga oo a kale a kwata okaana onghonga shaashi okushishi kutya ovadali kave mo meumbo.
“Ovadali nava xulife po okufiya ounona vavo meumbo novanailonga osheshi ovalumenhu vopaife ihava ve linekelwa vali eshi hava kala vakwatwa komhepo yokuya moixulo lounona voukadona,” Nangolo ta ti.
Okwa weda po ta ti oshitunda shaNdonga osho shimwe shi hadi ovakwashiwana vaAngola hava longo momaumbo omanga vamwe ohava kala tava kongo oilonga.
“Oshiwana nashi kale tashi longele kumwe mokukondjifa oimbuluma noshoyo omahepeko omomaumbo momikunda davo,” ta ti.
Neudo moshitunda shaNdonga omwa lopotwa oibofa ihetatu younona mwakwatelwa ovakainhu vakwatwa onghonga.
Neudo moshitunda shaNdonga omwa lopotwa oibofa ihetatu younona mwakwatelwa ovakainhu vakwatwa onghonga.
Omukainhu weedula 38 omukwashiwana waAngola a longo meumbo momukunda Ononge moshitukulwa shaShikoto okwa kwatwa po eshi a kufa mo eteelelo laye ndele ta fudike okaana moixwa.
Omukwashiwana waAngola weedula 36 omulumenhu okwa nyenwa oku li futila mo modolongo konima eshi a dipaa nombele kaume kaye momukunda Onandjaba moshitukulwa shaMusati.
Omu lume n hu we e d u l a 24 omukwashiwana waAngola okwa kwatwa po eshi vati a dipaa omulumenhu weedula 46 omukwashiwana waAngola komukunda Ongolo moshitukulwa shaMusati.
Okaana keedula vati hamano oka kwatwa onghonga komukwashiwana waAngola omulumenhu weedula 34 momukunda Ondobe yedifi moshitukulwa.
Ovalumenhu vavali ovakwashiwana vaAngola ova kwa kwatwa po neudo eshi va ponokela omulumenhu ndele tave mu kufa omaliko maye kOshikango moshitukulwa shaHangwena. fhamalwa@nepc.com.na