Opolifi moshitukulwa shaMusati otai kongo omufita wongeleka yaElcin shaashi vati a kwata okakadona keedula 18 onghonga.

Oshiningwanima eshi osha ningwa pokati komudo 2020-2022 pefimbo okaana kwa li ke na omido 15 komukunda Okando, moshikandjohoololo shaKalongo. Omukulunhu wopolifi moshitukulwa shaMusati Commissioner Ismael Basson okwa hokolola ta ti okaana oka kala nokukwatwa onghonga lwoikando ya yooloka.

Lwopokati opo, omufita wongeleka yoshiveva Elikana David weedula 33 okwa kwatwa po shaashi vati a kwata ovanafikola vatatu onghonga komukunda Okandi moshitukulwa shaMusati.

Omulumennhu ou okwa anyenwa omhito yokulifutila mo modolongo eshi a holoka momhangu yaUtapi oshivike sha djako.

Omudo wa djako ongeleka yaElcin oya kufa omufitaongalo wongeleka yaRuacana elcin Hendrick Shuudeni weeula 49 konima eshi vati aya moixulo nomulumenhu mukwao.

Omudiakoni wongeleka yaKahao Elcin Simon Ndaumbwa naye okwa kufwa moilonga konima eshi vati e li moshikumungu shomashenge omo vati kwa li ta pula okuya moixulo nolumumenhu mukwao. -fhamalwa@nepc.com.na