Otjirarakaneno tjokutja omambo yetjangwa vi tjozosikore zorumbembera rwa Kaondeka rwomahongero mOkarukondwa kOmatoororero ka Kakarara mOtjozondjupa yeere komayandero posikore ya Kaepe Okeni ndji tjiukwa otjoyoprojeka.

Otjirarakaneno ihi tja sekirisirwe Oritjatatu nda zuko i yosikore ya Kaepe kehi yotjiuru tjayo Samueline Ndikee Tjahere Kandiimuine. Ovahongwa vozosikore hamboumwe morumbembera indwi onḓa karere norupa. Oruveze orutenga rwa ire kovahongwa imba:  Ondondo 9- Mbeuka Upingasana (Osikore ya Okamatapati Ohovekwa); Ondondo 8- Jacobine Katjiteo (Osikore ya Kondjaṱu Ohovekwa); Ondondo 7-Uasuta Kahiriri (Osikore ya Okaepe Oini); Ondondo 6- Kutaara Muinjo (Osikore ya Okakarara yOmautiro); Ondondo 5- Haily Kazenaimue (Osikore ya Kakarara yOmautiro); Ondondo 4-Kahimise Ngatamunue (Osikore ya Kamatapati Ohovekwa). 

Ngwa yandjere ozondjambi ya ri Ongooneya ya Kakarara Asnath Jauzukuka potjitjitwa tji tja kayendisirwe i yomutunduuze watjo morumbembera rwa Tuaandi-Mujazu. Osikore ya Kaepe ya utira pondondo yombutiro nga pondndo oitja hambombari nu i novahongwa 320.