New Era Newspaper

New Era Epaper
Icon Collap
...
Home / Ovakulupe tava kengelelwa keependjela

Ovakulupe tava kengelelwa keependjela

2022-09-13  Festus Hamalwa

Ovakulupe tava kengelelwa keependjela

Omunambelewa mehangano lokutopola eependjela moshilongo ledina Epupa, Isai Iyambula, okwa hokolola ta ti ovakulupe ova ninga oihakanwa yokukengelelwa meependjela eshi hava pewa oshendja ya puka omanga vamwe ohava landifwa oininma itai longo.

Iyambula okwa ti ombelewa yEpupa oya kala nokumona eelopota kombinga yovakulupe tava nyenyeta eshi hava kengelelwa kovalandifi vomeependjela.

Meenghundafana a ninga naKundana Omaandaxa okwa kunghilila oshiwana opo shi kale tashi longele kumwe mokulopotela opolifi ile ovaleli vomomikunda kombinga yovanhu tava kengelele ovakulupe.

“Omunhu keshe ha landifile meependjela ta ka monika ta kengelele ovakulupe na kale a lopotwa diva opo a pewa ehandukilo lopaveta shaashi ka shi li mondjila eshi ovakulupe hava kala tava kwenene komwenyo ngeenge va kengelelwa oshimaliwa shavo,” Iyambula ta ti.

Iyambula okwa ti ovanhu ohava landifa ovakulupe oinima itai longo ngaashi eeradio, eelamba dokutema nosho tuu.’

“Konima ngeenge omukulupe okwa i keumbo opo ashike a ka mona kutya oshinima eshi a landifwa itashi longo mboli,” ta hokolola.

Okwa weda po ta ti ovanhu vamwe oha yandje oimaliwa yoshendja yoipupulu kovakulupe unene tuu oshimaliwa she N$100 osho hashi monika sha fa N$10 osho shimwe hashi longifwa okukengelela ovakulupe omanga vamwe ohava yandje oimaliwa yaAngola.

“Ovanamikunda keepandjela nava kale tava longele kumwe okuyambidida ovakulupe opo vaha kengekelelwe vali oshimaliwa shavo,” Iyambula ta ti.

Okwa kunghilila ovakulupe opo va kale va kotoka ngeenge tava lande oinima yavo meependjela noshoyo va kale alushe va koneka ponhele opo va landa opo omulandifi a kale a landulwa.

fhmalwa@nepc.com.na


2022-09-13  Festus Hamalwa

Share on social media