New Era Newspaper

New Era Epaper
Icon Collap
...
Home / Ovanaudu voCovid-19 paife otava talelwa po

Ovanaudu voCovid-19 paife otava talelwa po

2021-08-30  Festus Hamalwa

Ovanaudu voCovid-19 paife otava talelwa po

Festus Hamalwa

Minista wouhaku nonghalonawa Dr Kalumbi Shangula okwa ti ovanaudu voCovid-19 va kwatelwa moipangelo ova paife pitikwa oku kala va talelwa po kovakwapata vavo. Shangula edi okwe di popya pefimbo kwali ta patulula endiki louhaku lipe koshipangelo shaShakati, omo a popya ta ti keshe omunhu e na ombuto yoCovid-19 akwatelwa moshipangelo ota pitikwa opo a  kale a talelwa po loshikando shimwe moshivike keshe.

Okwa ti omukwapata keshe na kale akwashipaleka kutya okwa ninga tete oshilaye noshipangelo omanga ine ya oku talela po omunaudu, onghee okwa teelelwa opo ovanhu va kale vakwatafana nombelewa yoshipangelo opo ova dule okukala va yandeka eefooloma. Okwa ti ofooloma ei tai ka udifwa otai kala ina efiku notundi, nedina lomunadu a pumbwa okutalelwa po.

“Pefimbo omunhu tai monduda ina omunaudu woCovid-19 ota kala a pewa oikutu opo a dule okukala eli meameno, onghee okwa teelelwa omunhu keshe teu ya okutalela po opo a kale adjala oikutu yomakalanyanya ei hai djalwa kovanailonga voundjolowele,” Shangula ta ti.

Minista okwa kunghulila oshiwana opo shi kale sha fimaneka omilandu edi da tulwa po kombinga nghee ovanhu vena okulihumbata pefimbo lokutalela po ovanaudu komandiki ouhaku.

“Osha fimana opo omunhu keshe eli moshipangelo a kwatwa kombuto ei, opo a kale a talelwa po shaashi eshi otashi yandje omukumo komunaudu nokukelela omunaudu a kale ena omadiladilo a ii, onghee ovakwapata na va kale vakwashipaleka kutya otava yandje exungomweno kovanaudu vavo pefimbo lokutalela po,” Shangula ta ti. Shangula okwa kunghulila ovanhu opo twikile nokukala tava i ketunhilo loCovid-19 shaashi osha fimana ngeenge omunhu okwa tunhilwa.

“Natu twikile nokuliufa komilandu doCovid-19 efimbo keshe shaashi natango omukifi omo uli mokati ketu,” Shangula ta ti.


2021-08-30  Festus Hamalwa

Share on social media