OKASAIRA- Ouhonapare wOmbazu wa Hoveka ngunda maupandere pongurameno wayo yokuungura kunangamwa wouhonapare wombazu mbuna ovakongorere nounepo wawo moresevate ya Eiseba.

Ombara Turimuro Hoveka mayauza nao. Ouhonapare imbwi momayandero wombura ndjazuko otjiwazemburukirwe kotjiveta iyohoromende otjouhonapare wombazu mbumauhonaparere momaturiro wa kangamwa ya Eiseba mOkarukondwa ka Tjombinÿe kOmatoororero mOrukondwa rwa Maheke nu tjiyari 24 ku Tjikukutu ombura ndjazuko Ombara Hoveka otjatuirisirwe kotjiveta otja kOveta yOmauhonapare wOmbazu yo 2000 kukuheri kombazu. Kombazu eye watuirisiwa momweze imbwi outjahambombari, Suramazeva tjiyari 18 momburandji o 2012 mOmauezonjanda tja Pukiro pomuvanda wao wOtjimana. 

Hoveka omambo inga weyetene pombakero ya Else Jakwaterwa Marenga, eye ngwari iimwe yozoserekaze nÿaza moya Tjimana zozondunge ozombaera kaakusekamene ondwa ya Tjimana. Eye wasuvisirwe  Orovyungura ndazuko. “Mama aruhe mapura kutja hapo nai viri nawa, hapo turi nawa nai, hapo tunovandu,” tjazemburukire omuyauke Marenga eye wina nguri ina woo ina omwangu nerumbi, Ombara Hoveka watjere nao okuraisa kutja eye wari omundu omutjize nu ngwaa hahakana okuzuvira nokuyakurira ovi¿a ovandu varwe pumavevizuvire nokuviyakurira nungwari ngwari ondjize. 

Ombara Hoveka watjere onganda ya Marenga ondjahita oitjavari mehi ra Eiseba kehi yonganda ya Tjimana. Naku kozondekurona zOtjimarenga okhuina okuyandjaera onganda yawo okututumikirwa mehi moznganda ndatengapo okuyenda kehi ra Eiseba tjimuna owo kaveko. Watjere bgaveute okuhungira nokutwapo omakuruhungi wonganda yao okuuta pwindi etenga nganduu keseinina.  Ombara Hoveka watjere omutize wotjihavero tjouhonaapre wOvambanderu tjimasekama okuyekuhaama mombongarero kuno tjiwana tja Tjimana mongondjero yatjo yokuzemburukwa kaakara erike nungwari aakara punovandu imwe,vevari navetatu.  Nozombongarero inda wina zari novatjangerepo.  Hoveka watjere tjipehina okuhingirwa owatjiri mapekakara nouna womahiriwoko. Munao ombara otjiyeerepehi pehi porwara kokutja imwe wovatjangerepo pozombongarero zOuhonapare wOmbanderu kehi yOmuÞize wOtjihavero, Gerson Katjirua, kunouhonapare wa Tjimana, yari Noag Tjatindi. Hoveka watjere inga meyeyeta kutja ahakukaza otjiwana kanaindu tjatjivisiwa ohunga nomazemburukiro woTjimana mo Eiseba, katjiperi. Munao otjatjere imbi avihe mbyasere okuungurwa otjivyaungurwa. 

Hoveka watjere ovyungura nai mo Eiseba mavyutu okuungurwa nonganda ya Tjimana mo Eiseba yavarwa. Watjere oviveke ape vivari mbyakapita, onganda ya Tjimana yamwine ombapira yarwe kombanda yaindji yomavarero wayo okwiipa omasa yokutja nambano iute ovyungura. Watjere tjimayetjiti 18 nganduu ko 19 komweze imbwi otvitjitwa morukondwa rwa Eiseba nambano mavyutwa. Watjere tjaavehungire nOmutize wOtjivaherero veya ponondo yokutengasana mounane nopondondo yokutja kokutja vevarasane ovandu kutjavi  ovandu mberi morukondwa rwa Eiseba  ndoovazu ouhonapare wa Tjimana wazemburukirwamo ovandu imbo kavenohepero okuuhara ama kawira kehi ya katjikwatjike warwe.  Tjingetjo imba mberi morukondwa rwa Pukiro kapenohepero ouhonapare wa Tjimana okuura amaukeverarakana. “Okutja ete munao twaka ondjira komuungu,’ Hoveka watjere  amatja eye muano otjimawire mondjira indji ndjivaka pamwe nOmutize wOtjihavero. 

Hoveka watjere Epukiro, o Eiseba na Tjombinÿe  ozoresevate ndatandwa nu ndoovazu owo otjomauhonapare vakayenda komurungu nozondjakaha nduvekara nazo nazo  tjandje ozo zarire ehwe rangunepingo nondjou ra ngunenga. Nai oruveze otjirwahoro okutwozonjakaha me¿e nokuyakura ondanaukiro.